"Be Art Albania", të bësh ART me rroba të përdorura - Business Magazine Albania

“Be Art Albania”, të bësh ART me rroba të përdorura


BM: Çfarë është “Be Art Albania”?

A: ”Be Art Albania” është një platformë online e aksesueshme nga çdo individ që në thelb ka ridizenjimin e ”second-hand clothes”. Ky website promovon një pikëpamje ndryshe të modës bashëkohore. Ne përdorim rrobat e dorës së dytë të sjellë nga klienët për të krijuar garderobë moderne, vetëm duke i transformuar ato, ose duke i kthyer në material të dobishëm qoftë dhe për mjediset e punës apo dhe ato shtëpiake. Ne mirëpresim çdo klient qoftë 12, 19, 30 apo dhe 80 vjeç. Arti nuk njeh limite.

BM: Si lindi ideja e këtij website?

A: Ideja e projektit lindi nga një bisedim me mamin tim, e cila ka nje profesion si rrobaqepëse prej 30 vitesh. Dhe thamë pse jo, diçka ndryshe? Diçka që të sjellë një shërbim unik, cilësor, në një shtet ku papunësia ka arritur një nivel të konsiderueshëm. Ky shërbim është i përballueshëm nga çdo shtresë dhe ky është pikërisht qëllimi ynë. Një biznes ku çdokush mund të marrë një shërbim të punuar deri në detaje me një çmim të volitshëm.

BM: Si funksionon ai?

A: Siç e thashë dhe me sipër ky biznes synon të promovojë një art ndryshe ku me anë të rrobave të dorës së dytë të sjellë nga klientët mund të rikrijojë një veshje tërësisht unike dhe jo vetëm kaq. Krijimtaria jonë shtrihet dhe në ridizenjimin e sendeve të ndryshme të mjediseve shtëpiake apo dhe atyre të punës. Kjo do të arrihet me një kosto tejet minimale, që është konkurrues në treg.

BM: Kur do të mund të jetë i aksesueshëm online “Be Art Albania”?

A: Puna ka nisur dhe me shumë mundësi pas disa ditësh do jetë i disponueshëm vetëm me anë të një klikimi.

BM: A keni marrë mbështetje financiare apo është thjesht një iniciativë personale?

A: Në fillim ishte thjesht një inciativë personale nga ana jonë, por pas shumë kërkimesh u arrit dhe mbledhja e fondeve të nevojshme.

BM: A ekziston ndonjë website i ngjashëm me idenë tuaj? Nëse po, çfare e bën këtë biznes ndryshe nga të tjerët?

A: Është një risi e re në tregun shqiptar. Rreziku është i madh, por qëllimi ka vendosur baza të forta. Avantazhi kryesor shtrihet në dy pika kyçe: Shërbimi unik dhe çmim i volitshëm. Këto dy pika kyçe do të jenë dyshemeja mbi të cilën biznesi do të ngrihet. Dua ta quaj art, sepse të dizenjosh, të krijosh le vend për imagjinatë dhe imagjinata është çelsi i rrugës drejt artit. Nëpërmjet këtij projekti, une dua të dëshmoj se, me një ide të mirë, edhe moda mund të jetë ekologjike, etike dhe e lirë.

BM: Çfare strategjie marketingu keni menduar të adaptoni për rritjen e biznesit tuaj?

A: Ideja do të mbeshtetet në promovimin online, në rrjete të ndryshme sociale, ku do të pajiset me adresat përkatëse si dhe reklamimi i shërbimit në faqet më popullore të ndjekura në ditët e sotme. Biznesi akoma është në hapat e parë dhe në qoftë se gjërat ecin si duhet, pse jo mund të avancojmë në hapjen e një dyqani në një zonë të populluar.

BM: Si e shihni të ardhmen e biznesit tuaj?

A: “Be ART Albania” synon të jetë një biznes ku të arrijë të hapë pika të ndryshme në qytete të tjera të Shqipërisë. Deri në ato hapa, mendoj se një ide e mirë mund të jetë dhe shërbimi online, ku klienti sipas preferencave të veta shpreh kërkesat në lidhje me porosinë dhe me pas vijon dorëzimi me postë.

BM: Faleminderit për intervistën dhe iu urojmë suksese në vazhdim. 

/Business Magazine Albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0