BB: Përshpejtimi i rritjes gjithëpërfshirëse e të barabartë në Shqipëri kërkon zbatimin efektiv të reformave

BB: Përshpejtimi i rritjes gjithëpërfshirëse e të barabartë në Shqipëri kërkon zbatimin efektiv të reformave


Duhet një strategji ekonomike për rezultate të qëndrueshme në uljen e varfërisë dhe arritjen e një mirëqenie të përbashkët në Shqipëri, e cila të gjenerojë përfitime ekonomike dhe punësim. Stabiliteti makroekonomik dhe reformat e gjithanshme strukturore dhe institucionale janë përbërësit e nevojshëm për suksesin e saj. Këto ishin mesazhet kryesore të një seminari të organizuar sot nga Banka Botërore në Tiranë mbi mundësitë dhe sfidat e përshpejtimit të rritjes së barabartë dhe gjithëpërfshirëse për popullin shqiptar.

Aktiviteti u drejtua nga Zëvendëskryeministri Niko Peleshi dhe folësit kryesorë nga Banka Botërore ishin Ellen Goldstein, Drejtoreshë Rajonale për Europën Juglindore dhe Ana Revenga, Drejtoreshë e Përgjithshme për Varfërinë dhe Barazinë.

Në këtë aktivitet merrnin pjesë anëtarë të kabinetit qeveritar, përfaqësues të agjencive qeveritare, partnerëve për zhvillim, INSTAT-it, universiteteve, shoqërisë civile dhe medias. Aktiviteti iu dedikua Gjergji Filipit, Drejtorit të INSTAT-it të ndarë nga jeta pak kohë më parë.

Ministri i Ekonomisë, Arben Ahmetaj, në fjalën e tij theksoi se, “ne flasim për reforma strukturore dhe unë parapëlqej ta quaj strukturore edhe përmirësimin e imazhit të vendit. Shumë gjëra janë bërë, por shumë gjëra nuk dihen. Shumëkush prej jush e dini më mirë se unë që në ekonomi asnjë nuk shpenzon ato që fiton sot; shpenzohen sot ato që shpreson se do fitojë nesër. Dhe në thelb të këtij raporti, që ky raport të jetë pozitiv dhë në funksion të rritjes së konsumit, do të jetë pozitiviteti në ekonomi. 2.7% e rritjes ekonomike nuk është fantastike, por shume herë më mirë se 1%. Po ju sjell një shembull nga Italia. Italia është rritur 1.4% dhe para katër ditësh kishte eufori në median italiane për këtë rritje. Besoj këtë vit do të jetë pak më shumë se 2.7% dhe akoma në media thuhet, rritje mediokër, është më pak se parashikimi prej 3%. Ekonomia u rrit nga 2.1 % në 2014 në 2.7% në 2015 dhe i ka të gjitha gjasat që nëse ne bëjmë gjënë e duhur duke vazhduar reformat që kemi nisur dhe premtuar qyetarëve, të shkojë 3.5% në mënyrë që të përshpejtojmë uljen e asaj konvergjence me Bashkimin Europian që ne kemi për detyrë ndaj qytetarëve tanë”.

IMG_20160120_145943“Shqipëria ka nevojë të rigjenerojë dhe ribalancojë rritjen ekonomike, për të kaluar nga modeli i vjetër i rritjes së udhëhequr nga konsumi, drejt atij të prirë nga investimet dhe eksportet. Reformat në këtë drejtim kanë filluar të japin përfitimet e para”, tha Ellen Goldstein, Drejtoreshë Rajonale për Europën Juglindore.

Pas goditjes nga kriza globale financiare e 2008, ekonomia shqiptare pritet të rritet me 3.5 përqind për vitet 2016-17. Reformat kryesore në fushat e energjisë, pensioneve dhe shlyerja e detyrimeve publike të prapambetura kanë dhënë rezultatet e para. Deficiti fiskal po ngushtohet dhe borxhi publik ka marrë rrugën e stabilizimit. Ulja e humbjeve dhe përmirësimet në mbledhjen e pagesave të energjisë, si dhe reforma e pensioneve po përmirësojnë stabilitietin fiskal dhe atë social të Shqipërisë.

“Krahas përpjekjeve për rritje të qëndrueshme, reformat duhet gjithashtu të marrin parasysh gjithëpërfshirjen dhe ndikimin që ato mund të kenë në uljen e varfërisë”, tha Ana Revenga, Drejtoreshë e Përgjithshme për Varfërinë dhe Barazinë. Kjo kërkon përmirësimin e cilësisë dhe përfshirjes në tregun e punës me qëllim eliminimin e barrierave për tregun formal të punës, si dhe shërbime publike më eficiente. Vijimi i zbatimit të politikave të shëndosha fiskale, që mbajnë parasysh ndikimin mbi varfërinë dhe pabarazinë, do të siguronte përfitime afatgjata në rritjen e të ardhurave dhe uljen e varfërisë.

Në të ardhmen, Shqipëria duhet vijojë zbatimin e reformave që synojnë rimëkëmbjen e stabilitetit makro-fiskal, për të siguruar përfitime për të gjithë nga rritja ekonomike, për të nxitur përfshirjen dhe rritjen e sektorit privat. Shfrytëzimi i potencialeve të sektorit privat dhe kontributi i tij në krijimin e vendeve të punës dhe rritjes ekonomike, ka nevojë për një mjedis institucional dhe biznesi sa më të mirë, transparencë dhe mirëqeverisje.

Aktualisht, Banka Botërorë mbështet 9 projekte në Shqipëri me një shumë totale prej 544 milionë dollarë.

/ATSH/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0