Zevendes/presidentja e Bankes Boterore per Europen dhe Azine, Laura Tuck, deklaron ne nje interviste per Top Channel se mbeshtetja me fonde per Shqiperine do te jete ne nivelet me te larta historike, edhe vitin e ardhshem.
“Kete vit, ne po akordojme 305 milione dollare, qe eshte shuma me e madhe ne histori, qe ne kemi dhene ndonjehere brenda nje viti te vetem, per Shqiperine. Vitin tjeter, ne mendojme se do te bejme gjithashtu diçka te ngjashme, ne keto nivele. Kemi 275 milione dollare te tjera duke pergatitur dhe ketu perfshihet nje kredi prej 150 milione dollaresh per sektorin energjitik dhe operacione ne shendetesi, mjedis, por edhe transport”, tha zv/presidentja Tuck.
Shqiperia tentoi qe ne vitin 2010 te merrte kredi te lira nga Banka Boterore, per te financuar buxhetin. Ne ate kohe pati dhe negociata, te cilat deshtuan. Zyrtarja e larte e Bankes shpjegon arsyet se pse.
“Per ne, qe te japim mbeshtetje buxhetore, duhet qe qeveria te kete nje kuader te qarte makroekonomik e fiskal, dhe te jete e angazhuar plotesisht per ta zbatuar ate. Ne te kaluaren, kjo disa here ka ekzistuar, ndersa here te tjera jo. Tani ne besojme se qeveria e re ka percaktuar programin e nevojshem te reformave dhe permbush kushtet tona per mbeshtetje. Kjo na dha mundesine qe ta bejme ate te mundur kete vit, duke shpresuar se vitin tjeter do te bejme edhe me shume”, theksoi zv/presidentja Tuck.
Kredite e Bankes jane te kushtezuara me nje sere masash, qe qeveria duhet te ndermarre ne ekonomi. Sipas zv/presidentes Tuck, dalja e vendit nga kriza do te varet nga suksesi i tyre.
“Te gjitha vendet ne Europe u preken nga kriza. Shqiperia gjithashtu. Ashtu siç ju e permendni, ajo ka qene nje nga ekonomite me rritjen me te shpejte para krizes. Une besoj se e ka mundesine te rikthehet. Por, qe kjo te ndodhe, duhet qe qeveria t’u jape zgjidhje nje sere çeshtjeve delikate, si energjia, reforma e pensioneve. Do t’i duhet te zgjidhe perfundimisht mospagesat ndaj biznesit, te nise konsolidimin fiskal dhe t’u pergjigjet shume sfidave ne sektorin financiar. Nese keto çeshtje marrin zgjidhje siç duhet, une besoj se Shqiperia mund t’i rikthehet normave te shpejta te rritjes ekonomike, ashtu si dekaden e kaluar”, perfundoi zv/presidentja e Bankes Boterore.
Top Channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
