Autoshkolla, aplikacioni i parë që ka digjitalizuar literaturën e lejedrejtimit

Autoshkolla, aplikacioni i parë që ka digjitalizuar literaturën e lejedrejtimit


Autoshkolla është aplikacioni i parë në Shqipëri, që ka dixhitalizuar literaturën për përgatitjen e lejedrejtimit. Literatura është marrë nga libri zyrtar “Manual i drejtuesit të mjetit” (për lejedrejtimi të kategorisë B) nga Demir Osmani dhe Shkëlqim Gruda.

Ky aplikacion përmban kategori të ndryshme si nocione, teste, video, ilustrime, lojra, rregulla të komunikacionit, procedurat për regjistrimin për patentèn e shoferit dhe informacione të ndryshme e të nevojshme. Qëllimi i aplikacionit është që të lehtësojë procesin e mësimit për lejedrejtimin, duke lehtësuar qasjen në aplikacion dhe informacion.

Për BusinessMag, Herolind Sopjani (themeluesi i aplikacionit) thotë se autoshkolla ofron mënyra të ndryshme për t’u përgatitur për testin teorik për patentën. Me mbi 150 teste, Autoshkolla ofron mundësinë që kandidatët të praktikojnë dhe të perfeksionojnë njohuritë për patent shofer. Gjithashtu me një literaturë të gjerë me opsione të ndryshme që ofrojnë nocione të shumëllojshme, informacione mbi sinjalizimet horizontale dhe vertikale, shenja të ndryshme, rregullat e trafikut etj., Autoshkolla ofron mundësinë që te keni akses në informacion në çfarëdo vendi dhe kohe.

Platforma Autoshkolla ofrohet në dy versione, në website si dhe aplikacion, dhe të dy format janë pa pagesë me qëllim të fuqizimit të shoferëve të ri. Fokusi i Autoshkolla fillimisht është që të tërheqë sa ma shumë të rinj, që tani e tutje të kenë mundësinë të mësojnë edhe nga telefoni i tyre dhe jo vetëm nga librat.

“Në platformat tona si Facebook ne krijojmë përmbajtje me pyetje, informacione, në mënyrë që edhe ata të cilët janë të pajisur me leje drejtimi të rikujtojnë disa detaje që mund të harrohen”, thotë ai për BusinessMag.al.

Lexo: Turboo.al, aplikacioni inovator i tregut shqiptar

Fillimisht ideja drejt autoshkollës si aplikacion është implementuar në Kosovë dhe është në një pikë të madhe të zhvillimit të saj, ku rreth +250,000 përdorues, mesatarisht +29,000 përdorues aktiv në muaj. Impakti pozitiv që pati ky alpikacion, komentet pozitive etj… kanë qenë shtysa e e krijimit të një aplikacioni të tillë. Aktualisht në Shqipëri ky aplikacion ka përafërsisht +3000 përdorues aktiv çdo muaj.

“Ne jemi të fokusuar që në çdo aspekt aplikacioni të jetë sa më atraktiv dhe kemi krijuar edhe mundësinë e mësimit përmes lojës. Duke ofruar pyetjet nga testet e patent shoferit por me kohë dhe rregulla të caktuara”.

Në përgjithësi Autoshkolla është aktive në ngjarjet e ndryshme, prandaj zhvillimi i një platforme të tillë, është mirëpritur nga një numër i madh i njerëzve për shkak të vlerës që ata përfitojnë përmes aplikacionit. Dizajni unik i hartuar ndihmon qasje të shpejtë në secilën pjesë të aplikacionit dhe webfaqes. Navigim intuitiv dhe i lehtë ndihmojnë për të kaluar nga një faqe në tjetrën për të arritur në destinacion të kërkuar.

Aplikacioni është pa pagesë për të dy platformat mobile iOS dhe Android: https://www.autoshkolla-ks.com/teste

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0