Prej sulmit të 7 tetorit, 2023, të gjithë sektorët e ekonomisë në Izrael kanë pësuar rënie të konsiderueshme. I njohur ndryshe si “Kombi i Start-up”, lufta nuk e ka penguar Shtetin e Izraelit të vijojë zhvillimin ekonomik, nëpërmjet zgjerimit të raundeve financiare, çeljes së start-up të rinj, fondeve të shtuara dhe blerjes së aseteve të huaja, të gjitha këto gjatë luftës.
Në një letër publike, Dror Bin, CEO i Autoritetit të Inovacionit të Shtetit të Izraelit, shprehet pozitiv për rolin e teknologjisë në rimëkëmbjen e plotë të ekonomisë së vendit.
“Autoriteti i Inovacionit të Shtetit të Izraelit është plotësisht i përkushtuar për të siguruar që shumë nga sipërmarrësit tanë të talentuar, start-up premtuese dhe kompanitë e teknologjisë së lartë do vijojnë të shkëlqejnë fort në të ardhmen. Për këtë arsye, kemi çelur një plan emergjent financimi prej $100 milionë. Ky buxhet do të përdoret për zgjerimin e start-up që ishin në mes të fazës së mbledhjes së fondeve, në kohën kur nisi lufta” – shprehet Bin.
Lexo edhe:V+O Communication Albania Njofton Partneritetin më të ri me Kompaninë e Njohur Ajrore Wizz Air
Më tej në letrën e tij, Bin sqaron se ky plan financimi është thjesht hapi i parë, pasi Autoriteti do të marrë masa shtesë për të plotësuar nevojat e sektorit të teknologjisë. Ky autoritet është strukturë shtetërore, pjesë e Ministrisë së Ekonomisë së Izraelit. Kujtojmë se për vitin 2022, The Economist e renditi Shtetin e Izraelit të katërtin ekonomikisht, në rang botëror.
Teknologjia luan një rol shumë të rëndësishëm në zhvillimin ekonomik të Shtetit të Izraelit, kur vetëm në atë vit, sektori i teknologjisë së lartë përfaqësonte 48.3% të eksportit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
