ASE ka hapur zyrtarisht aplikimet për programe mentorshipi për grupmoshat 12-15 vjeç - Business Magazine Albania

ASE ka hapur zyrtarisht aplikimet për programe mentorshipi për grupmoshat 12-15 vjeç


ASE (Albanian Scholarship Effort) ka hapur zyrtarisht aplikimin për gjeneratën e parë të nxënësve shqiptarë! Nxënësit do të përfitojnë konsultim dhe mentorim falas 2 vjeçar nga lidera shqiptarë ndërkombëtarë, të cilët studiojnë ose kanë studiuar në institutet akademike ndërkombëtare më prestigjoze në botë!

ASE është një iniciativë e ndërmarrë nga një grup studentësh shqiptarë, të cilët studiojnë në disa nga institutet akademike më prestigjioze në botë me qëllim krijimin e një gjenerate intelektualësh nga Shqipëria, të cilët do të jenë ambasadorë të një të ardhmeje më të mirë për vendin tonë, brenda dhe jashtë shtetit. ASE shërben si konsultë falas për nxënës shumë ambiciozë dhe të talentuar shqiptarë që mund të përfitojnë nga bursa akademike internacionale.

Lexoni: Besart Çopa, 19 vjeçari që po ndihmon studentët shqiptarë të marrin bursa ndërkombëtare

Albanian Scholarship Effort përqëndrohet tek nxënësit e grupmoshave 12-15 vjeç në Shqipëri. Këto janë moshat më të përshtatshme për të filluar me aplikimet në gjimnaze te huaja. ASE ka një databazë të gjerë me gjimnaze konviktore internacionale nëpër të gjithë botën, të cilat ofrojnë bursa të plota: në Amerikë, Kanada, Zvicër, Angli, Francë, Norvegji, Kinë, Singapor, Australi, Izrael etj; ku këta nxënës mund të aplikojnë. Disa kërkesa të përgjithshme që duhet të plotësojë një nxënës, i cili ka dëshirë të shkojë në këto shkolla janë:

  1. Njohuri të mira të GJUHËS ANGLEZE në të folur dhe në të shkruar dhe aftësi për të studiuar tekste akademike. Shumë shkolla kërkojnë dhe vërtetimin e nivelit të gjuhës angleze nëpërmjet testeve të ndryshme si TOEFL ose IELTS.
  2. NOTA të mira në shkollë. Kjo NUK do të thotë 10 absolute. Zakonisht, mesatarja minimale për një aplikant nga Shqipëria në gjimnaze ndërkombëtare është 8.5.
  3. Një etje shumë e madhe për DIJE. Nuk ka rëndësi se çfarë dege akademike, për sa kohë aplikanti dëshmon pasionin dhe dëshirën për të punuar, cilësi këto që mund të tregohen me anë të aktiviteteve jashtëshkollore, etikës së punës, kërkimeve shkencore-sociale individuale etj.
  4. Një VULLNET unik. Vullneti mund të konsiderohet si faktori me më shumë peshë. Vullneti është esencial për një student 15 vjeçar, i cili shkon në një gjimnaz të huaj, në një botë të huaj dhe synon të korri sukses. Për të matur vullnetin e tij një aplikant mund të pyesi veten: “Duke marrë parasysh burimet dhe mundësitë që unë kam pasur, cilat kanë qenë arritjet e mia dhe a jam në gjendje unë të bëj më shumë në jetën time nëpërmjet një rrugëtimi të vështirë akademik dhe individual?”
  5. Një karakter personal për PUNË VULLNETARE. ASE synon krijimin e një grupi intelektualësh dhe akademikësh që në të ardhmen do kontribuojnë në zhvillimin e shtetit tonë dhe të botës. Ky është një koncept shumë i rëndësishëm në karakterin e një studenti ASE. Për ta matur këtë koncept në vlerat e një aplikanti, ajo/ ai duhet të pyesi veten “Kë përveç vetes, familjes dhe miqve të mi kanë ndihmuar arritjet e mia?”

Për detaje të programit, klikoni në faqen zyrtare AlbanianScholarshipEffort dhe Paketën e ASE.

Aplikimet mbyllen në 23:59, 31 Janar 2018. 

Aplikoni KËTU!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0