Apple "pushton" Hollywoodin

Apple “pushton” Hollywoodin


“Apple” po angazhohet shumë për të pushtuar Hollywood-in, me programe televizive origjinale, një përpjekje më shumë për të kaluar suksesin e vakët me “Planet of the Apps” dhe “Carpool Karaoke”.

Vitin e kaluar, “Wall Street Journal” foli për një buxhet prej 1 miliard dollarësh për t’ia dalë mbanë në synimet e kompanisë, ndërsa sot “New York Times” shkruan se ajo shifër parashikohet të rritet shumë, për të arritur objektivat e reja në prodhimet origjinale të “Apple”.

Lexoni: Mësimet më të mira financiare nga Hollywood për sipërmarrësit

Kompania po ndërton në Kaliforni një ambient rreth 12 mijë metra katrorë për “Apple Worldwide Video”, e gjitha për një skuadër prej 40 personash, që do të merren me filma dramë për të rritur, programe për fëmijë dhe një programacion dedikuar Europës dhe Amerikës Latine.

Gjatë verës së vitit 2019 pritet të dalin frytet e para të kësaj pune. Për momentin, janë 12 projekte, 9 prej të cilave seriale pa një episod pilot.

Lexoni: Apple sjell horrorin në jetën reale (Video)

Mes tyre është edhe “Amazing Stories” i Spielberg, një serial me regjisorin e “La La Land”, Damien Chazelle, një serial thriller psikologjik i ideuar nga M. Night Shyamalan, si dhe një program mëngjesi me Jennifer Aniston dhe Reese Witherspoon.

Sipas “NY Times”, parashikohet që “Apple” të kalojë investimet e “YouTube” dhe “Facebook” në këtë sektor, duke u përqendruar në programe që thithen shpejt nga shikuesit dhe që kanë më shumë interes në shikueshmëri, për të gjitha shijet e njerëzve.

/TheNewYorkTimes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0