Apple Pay vjen me një siguri të plotë në blerjet online


Blerësit së shpejti do të jenë në gjendje për të blerë mallra me Apple Pay në web nga një desktop Mac apo laptop, duke përdorur skanerin e gjurmëve të gishtave në iPhone-in ose Apple Watch-in e tyre.

Aftësia e re e Apple Pay do të lëshohet si pjesë falas e MacOS Sierra, i cili pritet të vijë këtë vjeshtë.

Aktualisht, blerësit mund të paguajn për mallra duke përdorur Apple Pay nëpërmjet një aplikacioni në iPhone apo Apple Watch në qindra e mijëra pika shitjesh tregtare në SH.B.A. dhe pesë vende të tjera – Kanada, Mbretëri e Bashkuar, Australi, Kinë dhe Singapor. Hong Kong, Franca, Spanja dhe Zvicra janë duke marrë shërbim së shpejti.

Edhe pse një lider në pagesat me anë të telefonit, Apple Pay, si dhe teknologji të tjera të këtij lloji, nuk kanë arritur të jenë në prtishmëritë e tyre.

Duke vënë Apple Pay tek kompjuterat Mac do të zgjerohet në masë të madhe numri i blerjeve të bëra me këtë shërbim, thanë analistët. Gjithashtu do të vendosë Apple në konkurrencë për pagesat me anë të internetit me kompani si PayPal.

“Zgjerimi Apple Pay në web është një punë e vërtetë e madhe, sepse deri në këtë pikë, nuk ka pasur metoda të sigurta për të blerë në web duke përdorur teknologjinë biometrike pa dërguar informacion të kartës tuaj të kreditit tek e-tailer”, tha Patrick Moorhead, një analist në Moor Insights & Strategy.

Për të përdorur këtë shërbim, një buton Apple Pay në ekran do të jetë në dispozicion tek një shitës me pakicë në internet, kur personi dëshiron të blej diçka nëpërmjet shfletuesit Safari, tha Apple në një deklaratë.

Ndryshe nga shërbimet e tjera online të pagesave, duke përdorur Apple Pay do të thotë, “ju nuk keni më nevojë të ndani numrat e kartës së kreditit ose debitit me një tregtar online, dhe numrat e kartës tuaj nuk janë të ruajtur në pajisjen tuaj, as në serverat e Apple,” tha Apple.

“Një kriptim i fortë mbron gjithë komunikimin mes pajisjeve tuaja dhe serverat Apple Pay dhe Apple Pay në këtë rast nuk gjurmon blerjet tuaja,” shtonte deklarata.

/techsot.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale