Apple dhe Foxconn po investojnë 7 miliardë $ në një fabrikë në SHBA


Vetëm katër ditë në pushtet dhe efekti Trump ka filluar të ndihet. Prodhuesi gjigant kinez, Foxconn, po konsideron që të investojë 7 miliardë $ për të ndërtuar një fabrikë të re në SHBA, në të cilën do të montohen panele të sheshtë ekranesh.

Raportet nga The Wall Street Journal dhe nga Nikkei Asian Review thonë se drejtori i Foxconn, Terry Gou, i diskutoi këto plane në një eveniment të kompanisë këtë fundjavë.

Nëse këto plane bëhen realitet mund të krijohen 30,000 deri në 50,000 vende pune. Foxconn ka që në vitin 2014 që mendon të ndërtojë një fabrikë të tillë në SHBA dhe Gou tha që nëse kompania do të fillojë t’i bëjë realitet këto plane tani, do të duheshin nxitje të konsiderueshme nga qeveria në formën e tokës dhe fuqisë së lirë.

Fabrika e re mund të jetë një investim i përbashkët me Apple, pasi Foxconn është partneri prodhues më i madh i Apple dhe ka fabrikën më të madhe të iPhone në botë me ulje të konsiderueshme taksash nga qeveria Kineze.

Çdo investim i Apple në këtë projekt do të ishte një fitore politike për Presidentin Donald Trump, i cili në mënyrë të vazhdueshme ka folur kundër Apple për shkak se i ka migruar vendet e punës në Kinë.

Gou tha se rritja e këtij lloj proteksionizmi është e pashmangshme, por vuri në dyshim nëse konsumuesit amerikan do të ishin të kënaqur që të përballonin kostot e sjelles së vendeve të punës në Amerikë.

“Në të ardhmen ato mund të paguajnë më shumë se 500 dollarë për një produkt amerikan, por këto produkte nuk punojnë domosdoshmërish më mirë se një telefon 300 dollarësh,” tha Gou.

Gou tha se një fabrikë në Amerikë do të kishte përfitime për Foxconn sepse do të hiqte kostot e transportit të mallrave, por vuri në dukje se kompanisë do t’i nevojiteshin nxitje financiare në mënyrë që marrëveshja të kishte kuptim ekonomik.

Burimi: pcworld.al

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale