Përmbajtja e projektit “Udhëtim në Europë” është e thjeshtë dhe vetë principi kryesor e bën këtë projekt tërheqës për grup-moshat e reja të rajonit. Programi shënon vitin e tij të 11 duke e bërë ate një nga programet më të suksesshme në rajon. Projekti “Euroudhëtim” mundëson udhëtimin e 11 studentëve nga Shqipëria për të vizituar brenda 30 ditëve këdo qytet apo kryeqytet në Europën e bashkuar. Aplikimet përfundojnë në 1 Korrik 2017.
Thelbi i projektit qëndron në sigurimin e mundesisë së udhëtimit të lirë në Europë për një grup prej studentëve më të mirë të universiteteve të Shqipërisë. Këta studentë do të pajisen me biletë treni interkontinentale të vlefshme për një muaj gjatë verës së vitit 2017. Udhëtimi do të jetë i lirë dhe secili nga studentët do të ketë mundesinë të ndërtojë itenerarin personal të udhëtimit. Gjithashtu, programi u jep mundesi studenteve shqiptarë të angazhohen me studentë të tjerë pjesëmarrës nga rajoni.
Nëpërmjet prjoketit “Udhëtim në Europë” u krijohet mundësi studentëve shqiptarë të njihen me kulturën dhe qytetet Europiane; gjithashtu këta studentë do të jenë misionarë, të cilët do të përfaqësojnë dhe shpërndajnë një kulturë dialogu, e cila qëndron larg paragjykimeve të rëndomta, të cilat i veshin shqiptarët me statusin e “Emigrantit të Europës”.
Ceremonia e hapjes organizohet çdo vit në kryeqytetin europian Berlinin. Programi është i mundësuar nga “Balkan Trust for Democracy” dhe mbeshtetur nga “Fondacioni Robert Bosch”.
Për më shumë informacion vizitoni www.euroudhetim.org ose www.mjaft.org.
Nëse jeni të interesuar kontaktoni: info@mjaft.org.
burimi: TravelToEurope
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
