Aplikacioni Waze i Google që paraqet trafikun në kohë reale ka realizuar një bashkëpunim me firmën e të dhënave të transportit INRIX, sipas të cilës do të ndihmojë shoferët për të gjetur vendet më të afërta të parkingut me makinën e tyre.
Waze sapo prezantoi cilësinë “where to park”, e cila i sugjeron përdoruesve disa opsione për vendet më të afërta të parkingut. Në qoftë se përdoruesi nuk zgjedh opsionin e parë të sugjeruar nga aplikacioni, atëherë Waze ofron një opsion të dytë dhe e drejton shoferin për tek ai.
Flavia Sasaki Siqueira, kryetar i zhvillimeve të biznesit të Waze, tha se kompania do të integrojë informacionin e INRIX mbi vendet e parkingut në bazën e tyre e të dhënave për të përcaktuar me saktësi pozicionet e parkingut. INRIX përdor një numër të madh burimesh për të vlerësuar sasinë e vendeve të lira në një bllok parkimi.
“Kërkimi për një vend parkimi ndikon në kohën e takimeve dhe shton stres të panevojshëm në eksperiencën e shoferit, problem të cilin përditësimi i ri i Waze mund ta reduktojë” thotë Siqueira.
burimi: krokodili.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English