Pas disa ngjarjeve të rënda ditët e fundit, kur turistë të huaj kanë humbur jetën akisidentalisht gjatë vizitave në Shqipëri, Agjencia Kombëtare e Zonave të Mbrojtura u bën thirrje të interesuarve të jenë të kujdesshëm dhe të mirinformuar mbi çdo nismë që dëshirojnë të ndërmarrin në natyrë.
Agjensia u bën apel turistëve vendas e të huaj që të kenë kujdes veçanërisht kur zgjedhin të eksplorojnë shtigje me vështirësi të lartë ose zona të tilla si: kanione, lumenj, male të thepisur, etj.
Lexo:Çmenduri, miliarderi ngre supermakinën sportive deri në katin e 57
“Shtigjet natyrore janë sa të bukur, aq edhe të rrezikshëm. Ju duhet gjithmonë të shoqëroheni nga specialistët e duhur. Guidat turistike të licencuara, rojet mjedisore, të cilët janë pjesë e 12 Administratave Rajonale të Zonave të Mbrojtura dhe Qendrat e Vizitorëve, janë informuesit dhe shoqëruesit e duhur për të gjithë ju”, shkruan AKZM në rrjetet sociale.
AKMZ vlerëson se turizmi në Shqipëri është duke u zhvilluar me rritme shumë të shpejta, veçanërisht turizmi i aventurës dhe ndjekja e shtigjeve janë kthyer ndër atraksionet më të kërkuara momentalisht nga turistët vendas dhe të huaj.
Fatkeqesisht dy turiste, një belge dhe një franceze kanë humbur jetën gjatë pak ditë më parë në zonën e Valbonës, pasi rrëshkitën në një humnerë si pasojë e akullit. Ndërkaq në Kanionet e Osumit një turist hollandez humbi jetën në vorbullat e lumit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
