Programi CybHER, i iniciuar nga British Council, synon fuqizimin e grave dhe vajzave në fushën e sigurisë kibernetike dhe rritjen e përfaqësimit të tyre në tregun e punës në Shqipëri. Në këtë kuadër, Qendra për Shkencë dhe Inovacion për Zhvillim (SCiDEV) në Tiranë po zhvillon një anketë për të analizuar përfshirjen e grave në këtë sektor dhe politikat e organizatave për të mbështetur karrierën e tyre.
Ky studim do të ndihmojë në hartimin e rekomandimeve për promovimin e diversitetit gjinor në sigurinë kibernetike dhe do të prezantohet publikisht në prill 2025 (data për t’u konfirmuar).
Anketa synon të:
Hartojë një panoramë të përfaqësimit të grave në rolet e sigurisë kibernetike në sektorin publik dhe privat.
Identifikojë politikat organizative që mbështesin rekrutimin, zhvillimin e karrierës dhe qëndrueshmërinë në punë për gratë në këtë fushë.
Ofrimin e rekomandimeve për rritjen e barazisë gjinore dhe diversitetit në tregun e punës në sigurinë kibernetike.
Anketa përbëhet nga 31 pyetje dhe përfshin:
Informacion mbi organizatën tuaj;
Pjesëmarrjen e grave në pozicione të sigurisë kibernetike;
Praktikat e rekrutimit dhe mundësitë e zhvillimit profesional;
Politikat e organizatave për të mbështetur dhe mbajtur në punë gratë në këtë sektor.
Lexo edhe:Gratë që heqin këtë fjalë nga fjalori i tyre janë më të lumtura, thonë psikologët
Siguria kibernetike është një fushë shumëdimensionale dhe përfshin role si:
Inxhinier Sigurie, Menaxher Sigurie, Arkitekt Sigurie, Oficer Kryesor i Sigurisë së Informacionit;
Testues i Penetrimit, Analist i Sigurisë së Informacionit, Analist i Inteligjencës së Kërcënimeve, Responder i Incidenteve;
Administrator Sigurie, Auditor IT, Specialist i Sigurisë IT, Inxhinier i Mësimit të Makinerive;
Ekspert i Sigurisë së Rrjetit, Administrator i Sigurisë Kibernetike, Ekspert i Sigurisë së Cloud-it dhe Etical Hacker.
Të gjitha të dhënat e mbledhura do të trajtohen në mënyrë anonime dhe në përputhje me ligjin për mbrojtjen e të dhënave. Duke plotësuar këtë anketë, ju pranoni përdorimin e përgjigjeve tuaja për qëllime kërkimore. Ky studim është një hap i rëndësishëm drejt fuqizimit të grave në sektorin e sigurisë kibernetike dhe ndihmon në krijimin e një mjedisi më gjithëpërfshirës për të gjithë profesionistët e kësaj fushe në Shqipëri.
Bashkohuni dhe jepni kontributin tuaj për një të ardhme më të barabartë në sigurinë kibernetike!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
