Kompania mëmë e Google, Alphabet, është tashmë kompania më e vlefshme në botë, duke lënë pas Apple. Qëllimi i krijimit të Alphabet ishte që të minimizonte riskun nga biznese të tjera të Google. Kompania Alphabet është e përbërë nga motorri i kërkimit Google dhe kompani të reja si Google Fiber, X lab, biznese të tjera që merren me shërbim të shpejtë interneti, investime dhe makina pa shoferë.
Nëse vendimi për krijimin e Alphabet deri tani shihej me dyshim, të dhënat e kompanisë për tre mujorin e fundit tregojnë që ka qenë një veprim i zgjuar. Kompania raportoi një fitim $21.33 miliard dhe fitimi për aksion 8.67$, rreth 18% më e lartë se një vit më parë. Ky raport i hodhi poshtë vlerësimet e Wall Street, për fitime $20.8 miliard në tre mujorin e fundit.
Lajmi i mirë për rritjen e mëtejshme të Alphabet, rriti aksionet e kompanisë me 10%. Për të gjithë investitorët e Alphabet, ky sukses e bën tani kompaninë më të vlefshme në botë duke kaluar kompaninë Apple për herë të parë në historinë e këtyre dy gjigandëve teknologjikë. Kompania Alphabet tani vlen $560 miliard, duke kaluar Apple me $540 miliard.
Çuditërisht kompania më e vlefshme në botë për momentin, nuk njihet nga shumë njerëz.
/Wired/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
