Airbnb: Shqipëria renditet si destinacioni me çmimet më të lira për turistët


Vouchercloud, aplikacioni europian më popullor i blerjeve online, ka listuar vendet më të shtrenjta dhe më të lira të Europës për sa i përket çmimit për natë qëndrimi (çift apo në grup) bazuar mbi të dhënat e Airbnb.

Vendet e Ballkanit janë ndër alternativat më të lira të pushimit në Europë. Sipas renditjes së Vouchercloud, më e lira në Europë është Maqedonia, ku çmimet mesatare për një natë qëndrimi për dy persona përllogariten rreth 25 paund, ndërsa për grupet deri në gjashtë persona, çmimi mesatar është 50 paund.

E dyta renditet Shqipëria, ku një natë qëndrimi sipas Airbnb për dy persona kushton mesatarisht 26 paund, ndërsa çmimi për grupe deri në gjashtë persona është më i ulët se 50 paund, duke u renditur kështu ndër vendet më të lira në Europë. Si vende miqësore me buxhetin listohen gjithashtu Kosova dhe Serbia me çmime mesatare përkatësisht 28 dhe 30 paund për dy persona.

Vendet më të shtrenjta

Vendet nordike janë vendet më të shtrenjta të Europës. Islanda qëndron në krye të klasifikimit, ku një natë qëndrimi për dy persona kushton mesatarisht 112 paund. Islanda ndiqet nga Suedia (82 paund), Norvegjia (77 paund) dhe Danimarka (73 paund). Finlanda bën pjesë te vendet nordike më miqësore ndaj buxhetit ku nata e qëndrimit për dy persona kushton mesatarisht 71 paund.

Nga ana tjetër vendet si Polonia (31 paund), Kroacia (43 paund) dhe Portugalia (45 paund) janë alternativa të mira që nuk rëndojnë buxhetin. Madje dhe Gjermania (45 paund), Spanja (53 paund) dhe Italia (53 paund) ofrojnë mundësi joshës në disa nga destinacionet më të frekuentuara të Europës. Çmime të mira ka edhe Franca (63 paund) dhe Mbretëria e Bashkuar (75 paund).

Çmimet e kryeqyteteve sipas Airbnb

Lisbona, Amsterdami, Roma dhe Londra janë disa nga kryeqytetet më të shtrenjta, ku çmimet janë shumë më të larta se pjesa tjetër e vendit, që do të thotë se do të ishte më e leverdishme nëse qëndroni pak më larg këtyre qendrave dhe të kurseni para.

Vjena, Brukseli dhe Athina janë kryeqytete me çmime mesatare, së bashku me Bukureshtin dhe Helsinkin.

Çift apo në grup?

Qipro, Suedia, Danimarka, Gjeorgjia dhe Bullgaria janë disa nga vendet ku të udhëtuarit në grup kushton shumë më lirë se sa në çift, me çmimet për person thuajse sa gjysma në rast se do të ishit çift.

Nga ana tjetër, në Greqi kushton më lirë një natë qëndrimi në çift se sa në grup. Zvicra, Polonia, Mbretëria e Bashkuar, ngjashëm si në Greqi, kushton më lirë për çiftet se sa për grupet.

 

Airbnbburimi: Monitor

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale