Bashkëthemeluesi dhe CEO i kompanisë Brian Chesky ka shkruar në Facebook se Airbnb do t’u sigurojë strehim falas refugjatëve dhe personave që u është mohuar mundësia për të qëndruar në Amerikë.
“Ne kemi shtëpi 3M, kështu që mund t’i gjejmë patjetër popullit një vend për të qëndruar,” shkruan ai, duke u kërkuar njerëzve për ta komunikuar përmes email-it të tij personal.
Një zëdhënës i Airbnb tha për Mashable se më shumë detaje do të ndahen në ditët e ardhshme. “Ne do të shfrytëzojmë të gjitha mjetet ekzistuese, si dhe mjetet tona të reagimit në raste fatkeqësish, ndër të tjera,” shtoi ai.
“Mjetet për përgjigje ndaj katastrofave” të kompanisë ndihmojnë mikëpritësit të ofrojnë strehim falas për njerëzit e zhvendosur kur është e nevojshme dhe u aktivizua pas ngjarjeve të fundit duke përfshirë dhe tërmetin në Italinë Qendrore dhe zjarret në Kili.
Premtimi i Chesky erdhi pasi ai foli kundër këtij ndalimit, gjë e cila ndikon në qytetarët e Irakut, Sirisë, Iranit, Sudanit, Libisë, Somalisë, Jemenit. “Moslejimi i vendeve apo i refugjatëve në Amerikë nuk është e drejtë dhe ne duhet të qëndrojmë me ata që janë të prekur nga ky fenomen,” tha ai.
Në deklaratat e mëparshme, udhëheqësit e Airbnb kanë sugjeruar se mund të punojnë me Trump.
Në Sydney, Australi, kreu i kompanisë të politikës globale Chris Lehane tha për Mashable se Airbnb mund të negociojë me politikanët në të dy krahët në sajë të fokusit për të ndihmuar klasën e mesme.
“Presidenti i zgjedhur Trump shpenzon shumicën e kohës duke cituar ‘pakësimi i klasës së mesme’. Si dikush që ka folur ‘se si mund të ndihmojë klasën e mesme”, mendoj se ndihemi mjaft mirë që propozimet tona të vlefshme kanë sens.”
Duke e bërë të njohur qëndrimin e tij të shtunën, Chesky iu bashkua një numri të madh të krerëve të teknologjisë amerikane, të cilët kanë dënuar dekretin e ndalimit.
CEO i Netflix Reed Hastings bëri publike në Facebook mendimin e tij të shtunën, duke shkruar se “veprimet e Trump po dëmtojnë punonjësit e Netflix në mbarë botën dhe janë aq anti-Amerikane sa na ndëshkojnë të gjithëve.”
“Më keq, këto veprime do e bëjnë Amerikën më pak të sigurtë (përmes urrejtjes dhe humbjes së aleatëve) dhe jo më të sigurtë. Një javë shumë e trishtuar dhe një kërcënim i pashmangshëm i më shumë se 600.000 ëndërrimtarëve. Është koha për t’u lidhur së bashku në mbrojtjen e vlerave të lirisë dhe mundësisë Amerikane.”
Bashkëthemeluesi i Airbnb tha se kompania është ndërtuar nga “emigrantët e të gjitha feve.”
“Ne qëndrojmë për ta dhe me ta, gjithmonë.”
burimi: Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English