Kur u krijua makina për herë të parë, nuk u trembën nëse do i linte pa ecur. Në vend të saj krijuan infrastrukturë dhe shfrytëzuan çdo benefit që solli, duke filluar nga avantazhi kohës e deri te vendet e punës. Tani në këtë epokë po përballemi me shpikje që vazhdojnë dhe avancojnë në çdo moment, pra nëse unë përmend një risi tani, pak minuta më vonë nuk do jetë kjo që përmendet si e fundit.
Pyetja “Po punën time a e zëvëndëson teknologjia?” mund ta hasim kudo dhe në fakt është një frikë dhe shqetësim global. Megjithatë vlen të mendohet një formë tjetër “Po punën time a e ndihmon teknologjia”?
Zhvillime ka pasur gjithmonë e si rrjedhojë disa punë kanë humbur, po a e keni parë sa kanë lulëzuar?
Inteligjenca artificiale është një mjet si peneli, me të mund të bëjmë kryevepra ose mund të shkatërrojmë një të tillë? E gjitha varet nga mënyra se si e përdorim.
Sipas një studimi, AI mund të na sjellë përftime të shumta edhe në aspektin e produktivitetit. Ndihma që i jëp sektorëve të punës sjell më pak lodhje, shkurtim të orëve të punës e si rrjedhojë edhe punonjës më të lumtur e më kreativ. Madje bazuar në raportin e IPPR teknologjia mund të rrisë edhe Prodhimin e Brendshëm Bruto deri në 1% gjatë 5 viteve të ardhshme dhe 6% deri në vitin 2035.
Bazuar te ekspertët e fushës, Inteligjenca Artificiale ka gjasë të rrisë dinamizmin në tregun e punës. Ky është një moment nxitës që punëtorët të lënë punët ekzistuese dhe të vrapojnë pas atyre të rejave. Pra, ne do duhet të menojmë për drejtimin shoqëror që duam nga Inteligjenca Artificiale.
Në fillim të këtij viti, Instituti për Kërkimin e Politikave Publike (IPPR) me anë të studimeve parashikoi 7.9 milionë humbje të vendeve të punës për AI sipas një ‘skenari të rastit më të keq’. Në një skenar të rastit më të mirë, të gjitha punët në rrezik shtohen për t’u përshtatur me AI, në vend që të zëvendësohen.
Kjo përvecse nuk çon në humbje të vendeve të punës, sjell një rritje ekonomike prej 13% ndaj PBB-së. Sakaq, fitimet e pagave për punëtorët mund të jenë më të mëdha, më shumë se 30% në disa raste.
Për ta përmbyllur, AI mund të rrëzojë shumë profesione, po nga ana tjetër mund të hapë edhe shumë dyer në të cilat duhet të kalojmë dhe t’i shfrytëzojmë.
Po ju si mendoni? A ka ndryshuar diçka te puna juaj pas zhvillimit të inteligjencës artificiale? Na tregoni eksperiencën tuaj duke komentuar në rrjete tona sociale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
