Gjigandi ndërkombëtar i financave Moody’s e vlerësoi borxhin publik të Shqipërisë si të qëndrueshëm me notën B1 duke deklaruar se pozicioni financiar i vendit është përmirësuar falë disiplinës fiskale.
“Ecuria e fortë buxhetore mbështet parashikim tonë se në 2016-ën, defiçiti do të zbresë në 2.5 përqind, më i ulëti në dy dekada”, thotë agjensia.
Agjensia prestigjioze vlerëson pozitivisht reformën në gjyqësor dhe në administratën publike, në kuadër të përpjekjes për t”u bërë pjesë e Bashkimir Europian.
Reforma në drejtësi, nënvizon Moody`s, do të çojë në përmirësim të ndjeshëm të klimës së biznesit në vend.
Progresi në këtë drejtim, vijon agjensia, reflektohet edhe nga rekomandimi pozitiv i Komisionit Europian për çeljen formale të bisedimeve për anëtarësim në Bashkimin Europian.
Progresi në reformën e sektorit energjetik është një tjetër pikë ku agjensia flet për progres.
Reforma në këtë sektor, së bashku me mbështetjen e Bankës Botërore, do të ndalojë krijimin e detyrimeve të prapambetura si dhe do të nxisë rritjen ekonomike në terma afat-mesëm-thuhet në këtë raport.
Burimi: gazetadita.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
