Në një intervistë për BusinessMag.al ai jep disa detaje më të hollësishme rreth temës dhe qëllimit të saj. Agi shprehet se të rinjtë sot janë fokusuar të krijojnë kompani, por që kjo kompani të mbahet mend dhe të identifikohet nga të tjerat duhet që të ketë një dizajn.
Fakti që shikon shpesh të rinj të fokusuar tek startup-et, krijimet dhe inovacionet, e nxit të flasë për tema të tilla. Për të, detyra e çdo profesionisti të kësaj fushe, është që përveçse të bëjë punën, duhet të emancipojë tregun apo komunitetin ku ai jeton. Fakti që tregu po zhvillohet nga të rinjtë, por dhe nga sipërmarrës me të mëdhenj, bën që e ardhmja të duket pozitive, sepse ka filluar një lloj emancipimi rreth një identiteti vizual, apo një brand-i visual dhe të qëndrueshëm.
Për të rinjtë ka një mesazh domethënës: “Mos iu përshatni tregut, por kultivoni kulturën e tregut”.
Lexo: Agi Haxhimurati dizenjon vizualin kryesor për “Hardh Fest”
Agi është tepër aktiv në promovimimin e vlerave dhe bukurive të dy shteteve të përzemërta të tij, Kosova dhe Shqipëria.
Për të pestin vit me rradhë ai po organizon “Hardh Festival”. Ai është angazhuar edhe në promovimin e bukurive shqiptare, duke sjellë turistë të huaj në vend. Këtë vit pikësynimi i tij është Syri i Kaltër, ku edhe shprehet se interesi ka qenë i jashtazakonshëm. Turistët kryesorë, sipas tij, janë turisë të luksit dhe vijnë nga Europa.
Historia e Shqipërisë, vendet e pa eksploruara, traditat dhe shume vyrtyte të tjera, i nxisin turistët që të kthehen disa herë për t’a rivizituar këtë vend. Për BusinessMag.al ai shprehet se qëllimi është që përmes vizitorëve, të përhapim “zërin e vendit” jashtë.
Prej një viti e gjysmë ai ka themeluar edhe agjencinë kreative me emrin e tij ‘Agi Haxhimurati’ me fokus brandimin tek turizmi. Në ekipin e tij ai tashmë ka 5 veta dhe shprehet se puna ka ecur mirë dhe se këtë vit ka në fokus brand-imin e Syrit të Klatër.
