A e dëmton empatia biznesin tuaj të konsulencës?

A e dëmton empatia biznesin tuaj të konsulencës?

empatia

Nga Jessica Fearnley, konsulente e The Seven Figure

Si gra, ne shpesh jemi të prirura të ndiejmë dhe ofrojmë empati.

Nëse shohim dikë që po përjeton diçka, ne dëshirojmë që ata ta ndajnë përvojën e tyre me ne.

Shpesh kjo është mënyra sesi ne tregojmë se kujdesemi për të tjerët.

Nëse jeni një person empatik dhe prekeni shumë nga emocionet dhe përvojat e njerëzve të tjerë, kjo mund të jetë një përfitim i madh – për biznesin tuaj, për ju personalisht dhe për ata që ju rrethojnë.

Por në këtë periudhë, empatia mund të jetë duke ju shkaktuar një problem të madh.

Gjatë gjithë ditës, çdo ditë, për javë të tëra, ne jemi rrethuar nga histori të njerëzve, që janë duke luftuar financiarisht, kanë pësuar humbje në biznes, kontratat e tyre janë zhdukur. Ndoshta ata janë të punësuar dhe kompania për të cilën punojnë, po kalon një situatë kritike.

Por për disa (ose ndoshta shumë) prej nesh ka shumë gjëra për të vlerësuar, në lidhje me situatën aktuale.

Njerëzit introvertë mes nesh, po shijojnë një mënyrë jetese më të qetë, që edhe neve na përshtatet më shumë sesa ngutja dhe nxitimi, ne po gjejmë më shumë kohë për veten.

Ndoshta me më pak gjëra për të bërë gjatë ditës tuaj, ju keni qenë në gjendje të përqëndroheni më shumë në biznesin tuaj dhe të bëni përparim më të shpejtë.

Po shoh shumë gra, që ndjehen fajtore sepse nuk ndikohen negativisht nga kriza e koronavirusit. Bizneset e tyre po vazhdojnë aktivitetin dhe në disa raste në të vërtetë po performojnë shumë më mirë, që nga fillimi i krizës.

Lexoni: Si shkojmë pas kostos së fundosur?!

Disa gra kanë parë se shërbimet e tyre që konsideroheshin si “të këndshmë për t’u pasur” tani janë “thelbësore”. P.sh: ato që ofrojnë shërbime të mirëqenies së korporatave, ose të cilat mund t’i ndihmojnë kompanitë të mbështesin punonjësit e tyre, që punojnë në distancë.

 Konsulenca e burimeve njerëzore ka kërkesë të madhe për momentin, kështu që është konsultim legal pasi kompanitë kanë nevojë për ndihmë, për të kuptuar kornizën në ndryshim të udhëzimeve qeveritare.

Por kur përvoja jonë personale nuk përputhet me përvojën kolektive, kjo shkakton fërkime emocionale. Dëshira jonë për empati bie në kundërshtim me realitetin tonë, kështu që ne fillojmë të minimizojmë suksesin tonë. Ne mund të mos i shfrytëzojmë mundësitë, që na ofrohen.

Kur e marrim atë shkëndijë frymëzimi, ne e shuajmë sepse na duket e papërshtatshme në një kohë të tillë.

Ose kur ndalojmë ndarjen e arritjeve tona me të tjerët, duke u shqetësuar – “kush jam unë që do të kem sukses në një kohë kur të gjithë të tjerët po luftojnë”. Kjo mund të na çojë shpejt në vetë-sabotim.

Ju nuk keni arsye pse të ndiheni keq apo të kërkoni falje vetëm sepse nuk po përballeni me vështirësi në këtë periudhë, por po lulëzoni.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0