A duhet të përdorni influencues të mediave sociale gjatë komunikimit në kohë krizash?

influencues

Ndërkohë që përdorimi i influencuesve është një strategji popullore e marketingut, një studim i ri tregon se punësimi i tyre gjatë komunikimeve në periudhë krizash mund të rrisë mosbesimin ndaj një marke dhe të rrezikojë reagimin e konsumatorit.

Shpenzimet globale për influencuesit e mediave sociale parashikohet të arrijnë në 15 miliardë dollarë deri në vitin 2022, pasi më shumë se dy të tretat e markave shumëkombëshe në mbarë botën planifikojnë të rrisin shpenzimet për ta, brenda viteve të ardhshme.

Benedetta Crisafulli (Lektore e Lartë në Marketing, Birkbeck, Universiteti i Londrës) dhe Jaywant Singh (Profesor i Marketingut, Universiteti i Southampton) kanë vëzhguar se influencuesit e mediave sociale po përdoren gjithnjë e më shumë në komunikimet gjatë krizave.

Lexoni: Çfarë zgjidhni: frikë apo kënaqësi?

Krizat janë momente që zakonisht kthejnë vëmendjen drejt dështimit të markës, që humbasin besimin e konsumatorëve dhe mund të dëmtojnë marrëdhënien klient-markë.

Markat mund të adresojnë krizën duke përdorur disa mënyra ndikimi: duke folur për veprat e mira të së kaluarës dhe forcimin e vullnetit të mirë të markës. Megjithatë, autorët thonë, se “Nëse këto mënyra ndikuese komunikohen nga influencuesit, do të kishin një efekt të kundërt tek klientët”.

Kjo për faktin se prania e influencuesit bën që përgjigjja ndaj krizës të shfaqet manipuluese. Dhe studimi psikologjik tregon që konsumatorët i rezistojnë në mënyrë aktive komunikimeve të markave, që duken manipuluese.

Përdorimi i influencuesve gjatë komunikimeve në kohë krizash mund të paraqitet si një përpjekje e markës për të bindur konsumatorët se kriza është më pak serioze sesa mund të shfaqet.  Por “synimi manipulues i markës përkthehet në perceptim negativ, nga ana e klientit”, shprehen studiuesit.

“Vetëm nëse një markë synon të përdorë influencues në kontekstin e duhur, këta të fundit do të arrijnë të zvogëlojnë dëmin e markës në kohë krizash”, këshillojnë studiuesit.

WARC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale