Miliarderi japonez Yusaku Meazawa do t’u dhurojë gati 9 milionë dollarë para kesh përdoruesve në Twitter. Sipërmarrësi tha se lëvizja është pjesë e një eksperimenti social dhe do të shohë nëse pagesa do të rrisë lumturinë e atyre që do të marrin paratë.
44-vjeçari Maezawa do t’ua shpërndajë paratë 1 mijë ndjekësve, të cilët do të përzgjidhen rastësisht, mes atyre që e ripostuan postimin e tij të 1 Janarit në Twitter.
Ai tha se do të monitorohet rregullisht impakti që do të kenë paratë .
Lexo: Elon Musk dhe SpaceX po çojnë njerëz në Hënë
Maezawa tha në YouTube se ky, “është një eksperiment serioz social”. Në këtë eksperiment ai shpreson të tërheqë interesin e akademikëve dhe ekonomistëve.
Afati për ripostimet në Tëitter përfundoi mesnatën e 7 Janarit.
Maezawa është i njohur për shpenzimet e tij në art dhe në automjete sportive. Ai është sipërmarrësi që pritet të jetë pasagjeri i parë privat i SpaceX që do të fluturojë rreth hënës në 2023.
Maezawa renditet i 18-ti në listën e njerëzve më të pasur në Japoni. Pasurimi i tij vjen nga themelimi dhe drejtimi i Zozotown, një prej dyqaneve më të mëdhenj online në Japoni.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
