Innovation Party Pitch 2019, thirrje për konkurs në Itali

Italia, tregu ynë fqinj, po fuqizon startup-et, si përmes një legjislacioni të veçantë të përshtatur, edhe përmes komuniteteve dhe kompeticioneve të shumta në këtë drejtim.

Innovation Party Pitch është një nga këto kompeticione, i cili do të zhvillohet me 5 prill 2019  në HBTOO.

Kompeticioni inovativ, me mentorë të njohur dhe çmime me vlerë do të zhvillohet në Napoli të Italisë pranë HBTOO. Startup-et pritet të përballen me vlerësimet e jurisë. Aktualisht komepticioni është në fazë nominimesh. Fituesit e ideve më të mira do të jenë 5 startup-e, me çmimet e mëposhtme.

Çmimi i parë: një paketë konsulence strategjike, fiskale dhe financiare me vlerë 5.000 euro (Çmimi përfshin mbështetje dhe asistencë fiskale për krijimin e aktivitetit të ri, planin e zhvillimit të ndërmarrjes, konsulencë financiare për akses në financim, një kontroll në çështjet e privatësisë, krijim dhe verifikim i identitetit ëeb, plan komunikimi e marketing (NETCOA),

Çmimi i dytë: Konsulencë ligjore për zhvillimin e startup (BBPLegal), 500€ cash (BCC), hapësirë co-working në të gjithë Italinë (Regus),

Çmimi i Tretë: Akses i drejtpërdrejtë në Akademi 012, 3 salla eventi në rrethin kombëtar Regus,

Çmimi Green: vendosje e mbështetje në rrugëtim dhe programe akselerimi në equity (SeedUp),

Çmimi special i Jurisë: biletë në nderim të heronjve “Maratea 2019”

Të rinjtë italianë, si ata shqiptarë, kanë nevojë për mbështetje financiare, konsulencë dhe ambiente për të zhvilluar biznesin e tyre. Gjatë një vizite të zhvilluar të një grupi të rinjsh italianë në Tiranë dhe gjatë takimit të zhvilluar me drejtuesit e New Media Communications, sipërmarrësit e rinj italianë shprehën interes për hapësirat fizike të zhvillimit të biznesit. Hapësirat co-working duket se kanë një nivel më të lartë shfrytëzimi në Itali, krahasuar me Shqipërinë, për shkak edhe të kostove më të larta të qerasë.

Lexo: Disa startup-e nga Roma vizitojnë New Media Communications

Çfarë është Innovation Party Pitch

Innovation Party Pitch është eventi startup pitch competition fantasy, që bashkon inovacion, ide, financa, i lindur nga pasioni i përbashkët i Anna Ruggiero dhe Pierluigi Rippa për sagën e ideuar nga George Lucas e nga dëshira për t’u dhënë zë ideve inovative, me mbështetjen e grupit të Lunare Project e Knowledge for Business.