Epitech prezantoi të enjten në Hotel Rogner “Coding Academy” me dy programe formimi.
Regjistrimet në këtë program janë të kufizuara, vetëm 30 veta dhe mund të aplikohet deri me 1 Shkurt 2019.
Armend Tahiraj, Drejtor i Përgjithshëm i Epitech Balkans, ftoi të rinjtë e interesuar, që kanë një diplomë Bachelor apo një përvojë 3 veçare në punë, të bëhen pjesë e këtij programi.
Një akademi kodimi, që ju mundëson të transformoni karrierën në vetëm 18 javë, nënkupton një program që nis nga zero njohuri në kodim, mjafton të doni punën dhe të ndiqni logjikën.
“Ne bëjmë tre teste: Testi Motivues, anglisht B2 dhe testin e logjikës, i cila duhet të kalojë 80% të rezultatit të 25 pyetjeve”, u tha Tahiraj të rinjve të interesuar.
Akademia e kodimit po hapet nga Epitech pas një viti të suksesshëm në Shqipëri me pedagogjinë.
Kjo akademi ka dy degë: Code & Go, zhvillim programesh (software) dhe Web & GO zhvillim web. Përmes kësaj akademie ju mund të filloni informatikën nga zero njohuri,
Akademia e kodimit nga Epitech u mundëson të rinjvë të marrin e të perfeksionojnë aftësitë e tyre, si dhe të kuptojnë qartë sfidat e web.
Coding Academy, siguron një certifikatë që njihet nga shteti francez Grande Ecole du Numerique dhe jep akses pune kudo, pasi përgatit profesionistë të pavarur. Certifikata njihet nga bizneset në gjithë Europën.
Drejtori i Epitech tha se, Akademia e Kodimit, ju trajnon në mënyrë efektive në zhvillimin e Web. Kursi ju nxit të provoni nismat tuaja në fushën e sipërmarrjes.
Përmes këtij programi siguroni gjithashtu formim në SEO (kërkim organik), menaxhim stresi, menaxhim projekti (me metodën Agile) dhe njohuri të përgjithshme në fushën e IT.
Kurset zhvillohen në tre sezone: Shkurt, Qershor dhe Tetor. Në kursin 18 javë trajnim ka 1 javë në 6 muaj internship. Epitech ka 13 qendra studimore në Francë dhe katër në Europë (Bruksel, Barcelonë, Berlin dhe Tiranë).
Web & Go, është një trajnim i plotë, ideal për t’u bërë një 4a front-end web developer
Aplikimet janë të hapura në http://www.epitech.al/Coding-Academy ose Tirana.coding@epitech.eu, ku parashikohet të ketë vetëm 30 vende për sesionin e parë.
*Aplikoni online, për të kaluar testin e pranimit: logjikës, anglishtes, motivimit. Kusht bazë është përfundimi i studimeve në niveli Bachelor, në çdo fushë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
