Në këtë fillim jave, monedha vendase ka shënuar një tjetër rekord vlerësimi ndaj euros. Të hënën në pikat e këmbimit valutor, një euro u tregtua me më pak se 125 lekë (124.3 lekë) Në një javë euro u zhvlerësua me 1 lekë.
Nga fillimi i viti, euro ka humbur gati 7 % të vlerës së saj.
Forcimi i monedhës vendase ndaj euros së fundi, po tejkalon kufinjtë e fluksit të shtuar të euros. Ekonomistët i druhen fillimit të një efekti psikologjik. Prof. Elvin Meka ka theksuar se fundi se ata që kanë depozita në euro, nuk duhet të rendin t’ këmbejnë ato në lekë. Ai kujton se vlera e euros në tregun ndërkombëtar nuk ka ndonjë luhatje të theksuar.
Në të njëjtën kohë, ai vlerëson se nevojitet zgjerimi i masës monetare në treg (pra shtimi i parasë në lekë nga ana e Bankës së Shqipërisë). Oferta e parasë nuk ka qenë e lartë, nuk ka pasur rritje të dukshme të pagavë vitet e fundit, ndërsa konsumi është rritur.
Meka kujton se shtimi i euros në treg është fakt, por edhe në vitet 2004-2006, kur pati një bum të vërtetë ndërtimesh, nuk ka pasur një efekt kaq të madh zhvlerësimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
