Të apasionuarit pas automobilizmit dhe jo vetëm, iu bashkuan eventit “Tirana Last Mile”.
Lexoni: SAYTAXI ALBANIA: NJË SHQIPËRI E PASTËR ME MAKINA ELEKTRIKE
Dhjetëra të rinj patën mundësinë të njihen me avantazhet e makinave elektrike gjatë takimit të zhvilluar nga “Auto You” dhe “BusinessMag”, në Tirana Business Park me 1 Mars.
Përfaqësues të Auto You folën për avancimin teknologjik të makinave elektrike dhe të ardhmen e tyre në Shqipëri. Pikat e karikimit të automjeteve do të vendosen në varësi të shitjes së automjeteve elektrike në qarkullim, thanë drejtuesit e Auto You, duke theksuar se deri në muajt e verës, këto pika karikimi do të gjenden edhe në jug të vendit. Me një autonomi deri në 140 kilometra, kostoja e udhëtimit është dukshëm më e ulët se automjetet me motorrë me djegie të brendshme.
“Një shembull i thjeshtë, është rruga Tiranë-Vlorë” e cila nuk do të kushtojë më shumë se 2 euro, ndërkohë automjetet elektrike kanë pothuajse zero shpenzime mirëmbajtje,” tha drejtuesi i Auto You, Florian Voko.
‘’Tirana Last Mile’’ është një projekt i vënë në jetë që të amortizojë dhe zgjidhë transportin urban të qytetarëve të Tiranës.
Lexoni: Tirana Last Mile, Investoni në biznesin tuaj me shpenzimet aktuale të karburantit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
