Keni dëshirë të aftësoheni në ndërtimin e qarqeve elektronike robotike Arduino? Keni dëshirë të merrni njohuri të reja mbi teknologjinë, se si funksionojnë robotët, se si mund të ndërtojmë një dron, se si mund të bëni shkencë nëpërmjet Arduino? Nuk nevojitet që ju të jeni shkencëtar, inxhinier apo programues, mjafton të keni dëshirën për të mësuar, për të tjerat mendojmë ne. Ejani dhe merrni pjesë në seminaret trajnuese mbi paketën Arduino të organizuar nga EESTEC (Electrical Engineering European STudents assoCiation). Pjesëmarrësit do të testojnë nga ana praktike, nëpërmjet instruktorëve pajisjet që do të vihen në dispozicion. Do të përzgjidhen skuadra prej 3 personash dhe do t’ju jepen projekte konkrete për të realizuar në platformën Arduino. Në në fund të trajnimit do të pajiseni me çertifikatë.
Çfarë është EESTEC?
EESTEC (Electrical Engineering Students’ European assoCiation) është një organizatë jo-fitimprurëse jo-politike për studentët e inxhienerisë elektrike dhe të shkencave kompjuterike (EECS) në universitet, shkolla teknike të institucionalizuara në Europë që japin një diplomë inxhienerike. Qëllimi është të mbështesim dhe zhvillojmë kontakte ndërkombëtare dhe të shkëmbejmë ide ndërmjet studentëve të EECS. Shoqata e arrin qëllimin e saj duke përmirësuar njohuritë teknike të studentëve të EECS, duke i përfshirë ata në industri dhe në sistemin edukues të vendeve të tjera.
Çfarë është Arduino?
Arduino është një platformë modelimi elektronik me burim kodi të hapur, bazuar në software dhe hardware fleksibël dhe i lehtë në përdorim. Është bërë me qëllim për artistët, dizajnerat, hobistët dhe çdo kënd që ka interes në krijimin e mjediseve dhe objekteve bashkëvepruese. Kjo platformë ka si qëllim që të përdoret për zgjidhjen e problemeve në jetën e përditshme.
Metodologjia e Kursit
Do të mësohen bazat e elektronikës dhe parimit të punës me micro-controllerat e ndryshëm. Do të kuptojmë se si funksionojnë në jetën reale pajisjet e ndryshme elektronike dhe si mund t’i komandojmë ato duke përdorur një bord Arduino. Do të fillojme me pajisjet e ndryshme Dihjitale dhe me pas do të kalojmë tek të dhënat Analoge.
Seminar trajnimi: Tirana Arduino Trainings #5
Organizator: EESTEC LC Tirana
Numri i pjesëmarrësve: 15
Numri i seancave: 8 X 3 orë
Pagesa: 30 €
Formulari aplikimit: https://goo.gl/forms/OGQPx6ULWW5Bd6bK2
Afati aplikimit: 4 Prill 2018
Trajnimi fillon në datën 9 Prill. Pjesëmarrësit do të informohen me e-mail.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
