Sipas analizës LikeFolio në Twitter lidhur me ndjenjën e konsumatorit, pronarët e telefonave të Samsung Galaxy janë më të lumtur me telefonat e tyre se ata të Apple, iPhone.LikeFolio përdor hulumtimin e të dhënave sociale për të zbuluar tendencat e konsumatorëve me kompanitë publike, në këtë rast duke matur se si konsumatorët reagojnë me telefonat iPhone dhe Samsung Galaxy.
iPhone vs Galaxy
Reagimet ndaj iPhone kanë qenë shumë konsistente rreth 60% -70% janë pozitiv, ndërsa Samsung është rikuperuar në sytë e konsumatorëve dhe ka pasur një përqindje më të lartë të ndjenjave pozitive gjatë gjithë vitit të kaluar.
Me pak fjalë, Samsung po krijon konsumatorë të lumtur me linjën e telefonave Galaxy.
Vlerësim i ulët për iPhone X
Ndërkohë që iPhone X ka një ekran të bukur, aftësi të jashtëzakonshme, kamera super të qartë dhe sigurinë e re me njohje të fytyrës, Apple ende ka shumë punë për të bërë. Kjo vjen si pasojë e prononcimeve të fundit lidhur me ngadalësimin iPhone dhe baterisë jo shumë të qëndrueshme, gjë që mund të rezultojë me riparime ose zëvendësime të kushtueshme.
Lexoni: Apple pranon ngadalësimin e iPhone-ëve, përballet me gjykatën
Sipas Raporteve të Konsumatorit, iPhone X ($ 999.99- $ 1.149) nuk është telefoni më i mirë që mund të blini pavarësisht se iPhone është më i miri i Apple.
Ajo çfarë e favorizon akoma më shumë Samsung janë dhe çmimet e mira të telefonave, Galaxy S8 ($ 724.99), S8 Plus ($ 849.99) dhe S7 ($ 594.99). Këto ndryshime të mëdha të çmimeve mund të jenë një nga arsyet që konsumatorët iPhone duken më pak të kënaqur me pajisjen e tyre sesa pronarët e Samsung Galaxy.
Analisti Michael Olson, nga Piper Jaffray, pret që Apple të lëshojë tre iPhone të rinj vitin e ardhshëm me ekrane më të mira OLED. “Pasardhësit e iPhone X mund të zgjerojnë interesin për një pjesë më të madhe të përdoruesve të iPhone në Vjeshtën e vitit 2018,” shkruan ai.
Lexoni: Produktet Apple, probleme me sigurinë
Ne ende mendojmë se Apple do të vazhdojë të dominojë me iPhone X e tyre, por kur është fjala për përdorues të lumtur, Samsung duket se po bën gjëra më të mira.
/Finance
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English