“Rritja e pjesëmarrjes së SME-ve në programet e Bashkimit Europian, COSME dhe Horizont 2020, si dhe bashkëpunimi Qeveri-Akademi-Biznes” ishte tema e konferencës të organizuar në datë 27 shkurt 2017 nga Ministria e Zhvillimit Ekonomik, Turizmit, Tregtisë & Sipërmarrjes, Ministria e Arsimit & Sportit, Agjencia Shqiptare e Zhvillimit të investimeve (AIDA), Agjencia Kombëtare e Kërkimit Shkencor & Inovacionit (AKKSHI) dhe Rrjetit Europian të Ndërmarrjeve- Albania (EEN-Albania), me mbështetjen e Projektit të Asistencës Teknike për Programet Europiane.
Në këtë konferencë, Znjsh. Migena Muslli, si përfaqësuese e AIDA-s, u ndal veçanërisht tek Rrjeti Europian i Ndërmarrjeve dhe mundësia që ky rrjet u jep SME-ve për të bashkëpunuar dhe shkëmbyer eksperiencat e tyre.
AIDA kryeson konsorciumin e Rrjetit Europian të Ndërmarrjeve për Shqipërinë (EEN-Albania), i cili ka si qëllim të rrisë bashkëpunimin mes bizneseve, bashkëpunimin teknologjik dhe atë kërkimor, si dhe përfshirjen e institucioneve të ndryshme në nivel kombëtar dhe rajonal.
EEN Albania është një mundësi e shkëlqyer për SME-të shqiptare për të gjetur partnerë strategjikë, përfshirë partnerë për trasferim teknologjie dhe inovacion, si dhe zgjerimin në tregje të reja.
burimi: AIDA
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
