“E kam takuar presidentin e parë të zi të Amerikës këtë javë”, ka thënë Suhail Rizvi. “Ai është ndoshta personi më i zgjuar që kam takuar ndonjëherë.” Edhe pse nuk e mora parashikimin e tij seriozisht, kam respektuar mendimin e Suhail dhe shënova emrin që ai përmendi: Barack Obama.
Disa vite më vonë unë u mahnita plotësisht nga mesazhi i tij frymëzues dhe plot shpresë si dhe nga transformimi i Shtëpisë së Bardhë. Unë mendoj se kjo video në lëvizje, ku njerëz të ndryshëm ndajnë momentet e tyre më të paharrueshme nga Presidenca Obama, e përmbledh atë vërtet bukur.
Presidenti Obama foli me elokuencë për arritjet e tij dhe në lidhje me nevojën e të gjithëve për të mbrojtur demokracinë, në fjalimin e tij të lamtumirës në Çikago. Disa fusha kyçe që me të vërtetë janë theksuar nga Shtëpia e Bardhë, janë sidomos ato për mbrojtjen e oqeanit dhe trajtimin e ndryshimive të klimës. Siç thotë ai: “Është thënë se ne nuk e trashëgojnmë tokën nga prindërit tanë aq shumë sa ne marrim hua nga fëmijët tanë.”
Një nga momentet më të veçanta nga Presidenca Obama është një takim që kishim vitin e kaluar, ku Obama vuri në dukje synimet tona të përbashkëta për të ndërmarrë nisma jo-fitimprurëse duke përfshirë trajtimin e ndryshimit të klimës, zgjidhjen e konflikteve, ruajtjen e oqeanit, reformën e drogës dhe atë për burgjet, dënimin me vdekje dhe frymëzimin e sipërmarrësve të rinj.
Unë jam i sigurt se familja Obama do të vazhdojë të arrijë shumë më tepër gjëra të mëdha, me vendosmërinë dhe dhembshurinë që ne të gjithë e njohim aq mirë. Unë po pres që t’i shoh ato në veprim dhe t‘i ndihmoj ku unë mundem.
Burimi: Shkruar nga Richard Branson dhe publikuar në virgin.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
