Të veshur me kapele dhe pelerina, para se të marrin diplomat e tyre, të diplomuarit dëgjojnë fjalime nga njerëz të shquar që ndajnë hsitori dhe opinione mbi jetën e tyre.
Ish-Presidenti Obama, në Universitetin Rutgers në Piscatway, New Jersey, iu tha të diplomuarëve se problemet e vështira nuk mund të zgjidhen përmes izolimit. Ai gjithashtu kritikoi mendjet të cilat i përshkroi si anti-shkencë, anti-intelektuale që shumë shpesh përshkojnë politikën.
“Në politikë dhe në jetë , injoranca nuk është virtyt,” tha Obama. “Nuk është e këndshme të mos dish se për çfarë je duke folur. Kjo nuk i bën gjërat reale dhe nuk tregon sesi duhet të jenë. Kjo nuk është për të sfiduar korrektësinë. Ju thjesht nuk dini për çfarë të flisni.”
Shefja operative e Facebook-ut Sheryl Sandberg, duke folur për të diplomuarit e Universitetit të Kalifornisë, Berkely, përmendi vdekjen e papritur të burrit të saj në vitin 2015 si një pikë kthese që i mësoi asaj elasticitetin.
“Kam mësuar për thellësinë e trishtimit dhe brutalitetit të humbjes,” tha ajo. “Por unë mësova se kur jeta iu vë poshtë, ju mund t’a godisni atë me shkelm, të çani sipërfaqen dhe të merrni frymë përsëri. Kam mësuar se në emër të asgjësë, apo në emër të çdo sfide, ju mund të zgjidhni kuptimin dhe lumturinë.”
Ish-moderatorja e talk-show-eve televizive Oprah Winfrey ishte e ftuar në ceremoninë e diplomimit të studentëve në Universitetin Jonhson C. Smith në Charlotte, Karolinë e Veriut.
Ajo ju argumentoi studentëve të synonin përsosmërinë, dhe mos të humbisnin besimin në rast se hasnin në pengesa sepse “dështimi është rruga e Zotit për t’ju lëvizur në një drejtim tjetër.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
