Kryetari i Bashkisë së Konyas, Tahir Akyürek, ka deklaruar se kanë hapur “Parkun e Yjeve” në formën e një muzeu të hapur për më të mirët e ushtrisë turke, yjet e saj, ku pjesë e tij janë avionë të tipit F – 5, makete të ndryshëm, ambiente sociale, etj, raporton agjencia zyrtare turke e lajmeve Anadolu Agency (AA).
Ai ka theksuar se në park sapo është hapur edhe një bar restorant i cili është i ndërtuar brenda një avioni tip Airbus A300. Kryetari Akyürek ka thënë se menjëherë pas hapjes së tij ky vend ka filluar të tërheqë shumë interes.
Avioni 54 metra i gjatë është sjellë në qytetin e Konyas në pjesë të ndara dhe është bashkuar aty për tu kthyer më pas në një bar restorant me një kapacitet prej 295 personash.
Akyürek ka shpjeguar se tavolinat jashtë tij janë vendosur mbi një platformë xhami dhe qëndrimi mbi to të jep ndjesinë e të qenit mbi ujë.
Burimi: lajmifundit.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
