Uber, Twitter, Stripe, Instagram: Chris Sacca ka bërë disa nga bastet më të lezeçme mbi startupet. Dhe në rjedhën e këtyre basteve, ylli i ‘Shark Tank’ ka zhvilluar disa rregulla të besueshme për identifikimin e sipërmarrësve për të cilët ia vlen të vësh bast.
“Duke e bërë këtë gjë për shumë vite dhe pasja e shumë të dhënave të rëndësishme, unë vetëm mund të them nëse ato do të ecin larg ose jo, mund ta nuhas,” ka thënë ai në një intervistë në skenë në Konferencën Collision në New Orleans të Enjten.
Vetëbesimi, ashtu siç pritet, jep parashikime të mira, por është një “vetëbesim pa qenë nevoja për të shitur,” ka thënë Sacca për Laurie Segall të CNN. “Themeluesit tanë më të mirë, pak rëndësi ka nëse është Travis (Kalanick i Uber), Evan (Williams i Twitter dhe Medium), ose Kevin Systrom (i Instagram), ata thjesht besojnë në pashmangshmërinë e suksesit të tyre.” Kur gjërat nuk shkojnë ashtu siç planifikohen, ka thënë ai, “ata nuk zhyten, ata e dinë se do t’ia dalin.”
Vizioni i Kalanick për Uber ishte tmerrësisht i gjerë edhe kur “flota” e tij konsistonte në 3 makina në San Francisco, ka thënë Sacca. “Në ditët e para, kur kalonte 8 orë në ditë në vendin tonë të punës në Truckee, “ne flsinim për ekspansion ndërkombëtar. Ne flisnim për transportin e ushqimit dhe të pakove.”
Në të njëjtën mënyrë, Systrom po projektonte 50 milionë përdoruesë për Instagramin para se të kishte ndonjë prej tyre. “E thoshte kaq qetësisht, ishte magnetike. Ishte joshëse,” ka thënë Sacca. “Unë thashë, ‘Unë nuk mund të mos përfshihem në kompaninë e këtij njeriu.’”
Por kjo nuk është gjithçka që kërkon Sacca te një sipërmarrës i madh. Ai kërkon gjithashtu një shkallë disfunksionimi. Njerёzit tё cilёt janё tёrёsisht normalё mund tё jenё punonjёs tё mrekullueshёm, por nuk duhet tё jenё sipёrmarrёs, ka thёnё ai.
“Ky ёshtё njё udhёtim special, i ndryshёm qё nuk mund tё jetё i disponueshёm pёr kёdo. Duhet të jesh pak obsesiv. Ti mund tё kesh disa çështje personale që të bëjnë të ndryshëm. Ti mund të kesh probleme për të krijuar marrëdhënie me njerëzit e tjerë. Ti nuk e pranon mirë dështimin. Mbase ja pak maniak-depresiv.”
“Nëse asgjë nga këto gjërat nuk të duken familiare, duhet ndryshosh drejtim.”
/Shkruar nga Jeff Bercovici dhe publikuar nga Inc.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
