Më shumë se 250 milionë përdoruesё të email-eve dhe fjalëkalime janë shkelur dhe janë duke u përdorur nga “nëntoka kriminale e Rusisë”, sipas një raporti të publikuar nga Reuters. Hakimi i të dhënave mësohet të ketë prekur disa nga adresat e-mail më popullore Mail.ru të Rusisë, si dhe adresat nga Google, Yahoo dhe Microsoft. Në total, pas eliminimit të kopjeve identike, lista përfshinte 57 milionё adresa Mail.ru, 40 milionë adresa Yahoo, 33 milionё adresa Hotmail dhe 24 milionë adresa Gmail.
Përveç atyre të përmendura, ka edhe mijëra adresa email nga serverat gjermane dhe kineze të përfshira në listën e llogarive të hakuara.
Hakimi është i fundit në një varg incidentesh të tilla në shkallë të gjerë. Vitin e kaluar, të dhënat e më shumë se 100 milionё njerëzve u vodhën nga nëntë kompani, duke përfshirë Wall Street Journal dhe J.P. Morgan, duke shënuar thyerjen më të madhe të tillë në Shtetet e Bashkuara.
Dhe qeveria federale e SHBA-së është goditur gjithashtu nga hakimet masive kohët e fundit. Një incident, që ndodhi në vitin 2015, lejoi hakerat të hynin në të dhënat personale të dhjetëra mijëra punonjësve nga Zyra e Menaxhimit të Personelit. Dhe në fillim të këtij viti, një tjetër hakim përfshinte të dhënat nga 30.000 punonjës të FBI-së dhe Departamentit të Sigurisë Kombëtare.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
