Ministri i Financave Avdullah Hoti dhe nënsekretari i Ministrisë së Financave të Emirateve të Bashkuara Arabe Younis AlKhouri, nënshkruan sot Marrëveshjen për shmangien e tatimit të dyfishtë dhe parandalimin e evazionit fiskal lidhur me tatimet mbi të ardhurat dhe mbi kapitalin ndërmjet Republikës së Kosovës dhe Emirateve të Bashkuara Arabe.
Me këtë rast ministri i Financave Avdullah Hoti nënshkrimin e kësaj marrëveshje e vlerësoi lart dhe shprehu përkushtimin e Qeverisë së Republikës së Kosovës për bashkëpunimin me Emiratet e Bashkuara Arabe, sidomos në arritjen e marrëveshjeve të tilla, të cilat do të shërbejnë në inkurajimin e mëtejshëm të tregtisë dhe investimeve bilaterale”.“Arritja e kësaj marrëveshje do të rrisë bashkëpunimin ekonomik dhe tregtar ndërmjet dy vendeve, por gjithashtu do t’ju krijojë një ambient më të favorshëm për investime nga të dy vendet. Marrëveshja paraqet edhe një siguri më të madhe ligjore për të gjithë investitorët potencialё të Emirateve të Bashkuara Arabe që planifikojnë për të investuar në Kosovë”, tha ministri Avdullah Hoti.
Ndërsa, nënsekretari i Ministrisë së Financave të Emirateve të Bashkuara Arabe Younis AlKhouri nënshkrimin e kësaj marrëveshje e ka vlerësuar si moment historik, ku sipas tij përmbyllja e Marrëveshjes do të mbështesë dhe forcojë marrëdhëniet e ndërsjella ndërmjet dy vendeve.
Ai gjithashtu shprehi mirënjohjet e shtetit të tij për ministrin Avdullah Hoti dhe Ministrinë e Financave për finalizimin e marrëveshjes së përbashkët dhe gjithashtu për përpjekjet e të dyja vendeve drejt një bashkëpunimi dhe marrëdhënieve sa më të mira. “
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
