Kandidati prepublikan për president Donald Trump sapo ka shpallur mbështetjen e tij për bojkotin ndaj Apple në kohën kur kjo e fundit po shpreh ngurrimin e saj për të ndihmuar autoritetet që të hakojnë iPhone-in e një nga qëlluesve të San Bernardinos.
“Apple duhet të japë siguri për atë telefon, OK?” ka thënë Trump në një rally në Pawley’s Island, në Karolinën e Jugut të premten.
“Ajo që mendoj unë se duhet të bëni është të bojkotoni Apple deri sa ajo të japë numrin e sigurisë që duhet. Si mendoni për këtë? Sapo më shkoi ndërmend. Bojkotoni Apple!”
Më herët të premten, Departamenti i Drejtësisë firmosi për një mocion të ri duke thënë se Apple duhet të përmbushë kërkesat e qeverisë. FBI-ja kërkon që gjigandi i teknologjisë të krijojë një softuer duke lënë zyrtarët ligjorë të kenë akses në të dhënat në një telefon pune të përdorur nga Syed Rizwan Farook, një nga sulmuesit në të shtënat e Dhjetorit në një qendër komuniteti në San Bernardino, në Kaliforni.
Më herët gjatë kësaj jave, CEO i Apple Tim Cook postoi një letër të hapur në website-in e Apple duke e quajtur kërkesën e autoriteteve “shqetësuese” dhe duke thënë se ajo “do të rrezikonte të drejtat dhe liritë që supozohet të mbrojë qeveria jonë.”
“Pikësëpari , telefoni as që zotërohej nga ky bandit i ri që vrau gjithë ata njerëz,” ka thënë Trump, duke theksuar se Farook ka punuar për qeverinë e kontesë në Kaliforni. “Telefoni zotërohet nga qeveria, apo jo? Nuk ishte as telfoni i tij, vetëm kaq të mendojmë.”
Zyrtarët e zbatimit të ligjit nuk kanë qenë të aftë të kalojnë karakteristikën e sigurisë në iPhone-in e Farook-ut, i cili është i pajisur me një karakteristikë të sigurisë që fshin të dhënat e telefonit pas shumë tentativave të pasuksesshme të vënies së fjalëkalimit.
Mocioni i urdhëruar nga Departamenti i Drejtësisë thotë se refuzimi i Apple për të shkyçyr telefonin “duket se bazohet në shqetësimet e saj për modelin e biznesit dhe strategjinë e marketingut të brandit publik,” sipas New York Times.
“Në vend që të asistojë pëpjekjet për të hetuar në mënyrë të plotë një sulm vdekjeprurës terrorist duke iu bindur urdhrit të gjykatës, Apple është përgjigjur duke e hedhur poshtë publikisht këtë urdhër,” kanë shkruar prokurorët në mocion.
Në sulmin e San Bernardinos u vranë 14 njerëz.
Farook dhe e shoqja e tij, Tashfeen Malik, e cila vdiq në një shkëmbim zjarri me policinë, pretenduan se ata e kryen sulmin në emër të grupit terrorist ISIS (i njohur gjithashtu edhe si Shteti Islamik, ISIL ose Daesh).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
