Në Izrael, Coca-Cola ka krijuar një shishe që iu bën selfie, ndërkohë që ju pini prej saj. I ashtuquajturi “shishe selfie” është bërë nga agjencia Gefen për Coca-Cola Summer Love, ngjarjen më të madhe të Izraelit për markat në natyrë.
“Përdoruesit i bëjnë tag vetes dhe miqve të tyre në fotot në mediat sociale të Coca-Cola-së“, shpjegon Gefen. “Është me të vërtetë interesante dhe i bën personat që marrin pjesë më të pranishëm dhe aktivë gjatë eventit, duke e ditur se ata mund të ndajnë momentet e tyre të veçanta vetëm duke pirë.”
Shishja ka një aparat fotografik ndërtuar në bazën e saj, së bashku me një sensor që fotografon kur e kthen shishen në 70 gradë. Selfiet mund të shpërndahen në Facebook, Instagram dhe Snapchat.
Gefen thotë se shishet u konceptuan pasi ata vunë re një boshllëk në treg për këtë “risi pijesh.” Sepse kush dëshiron të humbasë këtë shpërblim fotosh?
Shishja me shumë gjasa do të jetë e kufizuar për Summer Love, pasi nuk ka asnjë fjalë nëse ajo do të jetë një “boom” në dyqanet izraelite. Por në qoftë se kjo do bëhet një hit në mesin e adoleshentëve, do të shohim nëse do të jetë edhe në evente të tjera. Për ata që shqetësohen për jetën e tyre sociale, mendoni për të si një evolucion natyror i “duckface”.
burimi: adweek.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
