Sipas një analize të fundit nga McKinsey Global Institute, 18 industri të reja pritet të krijojnë një ndikim të jashtëzakonshëm në ekonominë botërore deri në vitin 2040, duke gjeneruar të ardhura që mund të arrijnë deri në 48 trilionë dollarë në vit.
Teksa bota po transformohet me ritme të shpejta, sektorët me bazë teknologjike dhe të inovacionit po shfaqen si motorët kryesorë të rritjes së ardhshme ekonomike. Midis tyre janë inteligjenca artificiale, siguria kibernetike, bioteknologjia dhe mobiliteti ajror – të gjitha me potencial të jashtëzakonshëm për të revolucionarizuar mënyrën se si jetojmë dhe punojmë.
Lexo edhe;Si ndikon një review negative në reputacionin dhe performancën e biznesit?
Tregues kyç:
-
Të ardhurat totale të mundshme deri në 2040: deri në 48 trilionë USD
-
Industria me rritjen më të shpejtë: AI Software & Services me një normë rritjeje mesatare vjetore (CAGR) prej 25%
-
Pjesa e PBB-së globale: mund të rritet nga 4% sot, në 16% deri në vitin 2040
8 industrinë më premtuese:
| Industria | Të ardhurat në 2022 (mld $) | Të ardhurat në 2040 (mld $) | Rritja mesatare vjetore |
|---|---|---|---|
| 🛒 Tregtia elektronike | 4,000 | 20,000 | 9% |
| 🤖 AI dhe shërbime | 85 | 4,600 | 25% |
| ☁️ Shërbimet Cloud | 220 | 3,400 | 17% |
| 🚗 Makinat elektrike | 450 | 3,200 | 12% |
| 📢 Reklamat dixhitale | 520 | 2,900 | 10% |
| 💾 Çipet kompjuterike | 630 | 2,400 | 8% |
| 🚘 Makinat autonome | – | 2,300 | – |
| 🚀 Industria hapësinore | 300 | 1,600 | 10% |
| 🛡️ Siguria kibernetike | 160 | 1,200 | 12% |
| 🔋 Bateritë | 98 | 1,100 | 14% |
| 🏗️ Ndërtimi modular | 180 | 1,100 | 10% |
| 📺 Shërbimet streaming | 160 | 1,000 | 11% |
| 🎮 Videolojërat | 230 | 910 | 8% |
| 🤖 Robotika | 21 | 910 | 23% |
| 🧬 Bioteknologjia | 140 | 900 | – |
| ✈️ Mobiliteti ajror | – | 340 | – |
| 💊 Ilaçet kundër obezitetit | 24 | 280 | 15% |
| ⚛️ Fisioni bërthamor | 18 | 150 | 13% |
Këto 18 industri jo vetëm që premtojnë të krijojnë vende të reja pune dhe të sjellin fitime marramendëse, por kanë edhe potencialin për të ndryshuar rrënjësisht stilin e jetesës dhe të zhvillimit ekonomik në nivel global. Ata që investojnë, inovojnë dhe përshtaten sot, do të jenë liderët e së nesërmes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
