Bota ka ndryshuar ndjeshëm qasjen ndaj tregut të punës, veçanërisht gjatë dekadës së fundit. Teknologjia dhe digjitalizimi kanë avancuar me ritme të shpejta, duke ndikuar drejtpërdrejt në zgjedhjet e të rinjve për shkollim dhe më pas në trendet e punësimit. Profesione të lidhura me programimin dhe IT-në janë ngritur në majën e piramidës së të ardhurave dhe stabilitetit profesional, një realitet që po e ndjekin gjithnjë e më shumë edhe të rinjtë shqiptarë.
Ndërkohë, sistemi tradicional arsimor shpeshherë mbetet një hap pas. Kjo ka krijuar një hendek të theksuar mes aftësive që kërkon industria dhe përgatitjes që ofrojnë institucionet klasike të arsimit. Pikërisht për të adresuar këtë boshllëk vjen më në fund edhe në Tiranë modeli “42”, një shkollë kodimi që iu përgjigjet në kohë reale nevojave të sektorit të teknologjisë.
Në këtë kontekst, shkolla e programimit “42”, e pranishme në mbi 55 kampuse në mbarë botën, përfaqëson një zgjidhje konkrete për të ngushtuar këtë hendek. Ky sistem inovativ ka ndihmuar mijëra të rinj të zhvillohen si programues, të ndryshojnë karrierë ose të fuqizojnë startup-et e tyre. Është një koncept revolucionar i mësimnxënies, që fokusohet në zhvillimin praktik të aftësive koduese, dhe mbi të gjitha, pa tarifë shkollimi. Kjo mundësi ofrohet falë mbështetjes së Fondacionit Shqiptaro-Amerikan për Zhvillim (AADF), i cili ka investuar fuqishëm në inovacion, duke e kthyer Piramidën e Tiranës në një qendër rajonale të teknologjisë.
Një tjetër avantazh i “42 Tirana” është ambienti cool, në një lokacion cool të kryeqytetit, si Piramida. Një mjedis ku studentët rriten profesionalisht, duke bashkëpunuar dhe ndihmuar njëri-tjetrin në përballimin e sfidave të ndryshme gjatë projekteve. Përmes një procesi mësimor tërësisht praktik, ata ndjekin në kohë reale përmirësimin e aftësive dhe progresin personal.
Ne u bëmë kureshtarë për këtë formulë origjinale, ndaj për të mësuar më shumë vizituam 42tirana.org dhe jua këshillojmë edhe juve, nëse jeni një i ri në kërkim të punës së ëndrrave, dikush që dëshiron të ndërrojë karrierë apo një sipërmarrës i lidhur ngushtë me teknologjinë. Pavarësisht nga përvoja apo fusha e mëparshme e studimeve, studentët e “42” zhvillojnë mendimin kritik, mësojnë të zgjidhin probleme komplekse dhe fitojnë aftësi thelbësore për tregun e punës.
“42 Tirana” nuk është thjesht një shkollë, por një platformë inovative që të përgatit për të ardhmen. Prandaj, mos humb kohë – apliko tani në 42tirana.org dhe ndrysho jetën tënde!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English