Gjeneratat e ndryshme i qasen përvojave të udhëtimit në mënyra të ndryshme . Krahasuar me gjeneratat e mëparshme, udhëtarët e rinj, Gjenerata Z po i japin prioritet përvojave unike dhe kanë një këndvështrim ndryshe mbi udhëtimin në tërësi. Të mbash ritmin me këto ndryshime është thelbësore për t’i ndihmuar markat dhe agjencitë e udhëtimit të përmbushin nevojat në zhvillim të konsumatorëve.
Çfarë është Gjenerata Z?
Gjenerata Z – ose shkurt “Gen Z” – i referohet brezit të lindur midis viteve 1997 dhe 2012. Ky grup moshash tepër i adaptueshëm përfshin individë që këtë vit mbushin nga 13 deri në 28 vjeç. Të rritur me teknologji në duar, të rriturit e Gen Z janë shumë familjar me teknologjinë dhe njihen si brezi më i aftë teknologjikisht. Prania e përhershme online, rritja e platformave sociale dhe një vetëdije më e lartë globale kanë ndikuar në ndryshimin e vlerave të konsumatorit, pritshmërive dhe trendeve të udhëtimit. Konsumatorët e Gen Z po e rishkruajnë kuptimin e udhëtimit. Kuptimi i nevojave të tyre unike është thelbësor për të kuptuar të ardhmen e industrisë së turizmit.
Lexo edhe : Freelancing-u në rritje, top 10 vendet që po dominojnë tregun e punës online
Sipas Komisionit Evropian të Udhëtimit, të rinjtë udhëtarë kanë më shumë gjasa të:
- Rikthehen dhe të sjellin më shumë vlerë në destinacione gjatë kohës;
- Zbulojnë destinacione të reja dhe më pak të njohura;
- Përdorin teknologji si aplikacione për të planifikuar udhëtimet;
- Marrin përfitime personale kulturore dhe kontribuojnë në komunitetet lokale që vizitojnë.
Gjenerata Z është një demografi kyçe që çdo ofrues shërbimesh udhëtimi duhet ta ketë në konsideratë – le të shohim statistikat që formësojnë profilin e tyre të udhëtimit. Ato tregojnë se :
- Gen Z udhëton shpesh, me mesatarisht tre udhëtime rekreative në vit.
- 63% e konsumatorëve të Gen Z kanë kryer blerje për udhëtime në 12 muajt e fundit.
- 53% e punonjësve të Gen Z dhe Milenialëve planifikojnë të udhëtojnë për punë.
- 65% e Gen Z kanë shpenzuar më shumë për udhëtime rekreative në vitin 2024.
- 88% ndjekin të paktën një influencues udhëtimesh në TikTok.
- 45% u besojnë rekomandimeve të influencuesve për udhëtime.
- Ata preferojnë kanalet direkte online për prenotime fluturimesh.
- 76% janë më të interesuar për udhëtime sesa më parë.
- Shpenzojnë mesatarisht 11,766 dollarë për udhëtime, më shumë se çdo brez tjetër.
Gen Z vs. Milenialët: ngjashmëritë dhe dallimet
- Të dy brezat kombinojnë punën me kujdesin ndaj vetes dhe relaksin.
- Milenialët zgjatin udhëtimet e biznesit për relaks (43%).
- Gen Z dëshiron të mbulojë nga kompania aktivitete si joga apo klasa ushtrimesh gjatë udhëtimeve (34%).
- 21% e moshës 25–34 vjeç thonë se udhëtimet për punë kanë ndikuar pozitivisht në shëndetin mendor.
- 36% e Milenialëve i japin prioritet luksit dhe rehatisë gjatë udhëtimeve të biznesit.
- 71% e Gen Z dhe milenialëve duan të rezervojnë pushime në plazhe private për t’u çlodhur.
- 61% planifikojnë udhëtime me fokus mirëqenien dhe kujdesin ndaj vetes.
Rëndësia e pranisë në rrjetet sociale, komunikimit online efektiv dhe një qasjeje të personalizuar ndaj shërbimit ndaj klientit nuk mund të nënvlerësohet kur punohet me këtë brez. Sepse nuk ka të bëjë vetëm me destinacionin, rëndësi ka edhe vetë udhëtimi.
Burimet: CNBC, McKinsey & Company, PMG, Fast Company, Statista, Skift, Hilton, Travel Age West, Squaremouth
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
