Natyra gjithmonë ka qenë një inxhinier i jashtëzakonshëm, me bimë dhe kafshë që funksionojnë natyrshëm në mënyrat më efikase. Me kalimin e kohës, ne kemi marrë frymëzim nga këto dizajne dhe i kemi zbatuar ato në shpikjet tona, duke zotëruar artin e biomimikrisë. Shikoni këto 7 shembuj të mahnitshëm ku gjenialiteti i natyrës ka formësuar krijimet njerëzore në mënyrat më të bukura.
Velkroja. Velkroja, diçka që shumica e njerëzve e përdorin rregullisht, në të vërtetë është frymëzuar nga farat e gjembave të bimës së bardhokut. Një inxhinier vuri re se si këto fara të vogla ngjiteshin në pëlhurë duke përdorur grepa të vegjël, duke ndezur idenë për një sistem të ri lidhës. Duke rikrijuar këtë dizajn natyror, ai zhvilloi një sistem me grepa të vegjël dhe të qëndrueshëm që kapen në pëlhurë të butë, të cilin më vonë e quajti Velkro. Kjo shpikje e thjeshtë, por gjeniale, është bërë që atëherë një element kryesor në gjithçka, nga rrobat deri te kostumet hapësinore.
Treni me shpejtësi Shinkansen. Në pamje të parë nuk duket e qartë, por treni me shpejtësi Shinkansen është modeluar sipas zogjve peshkatarë (kingfishers). Këta zogj të mrekullueshëm mund të zhytën në ujë me pothuajse asnjë valëzim, duke frymëzuar dizajnin e hijshëm dhe aerodinamik të trenit. Kjo risi nuk përmirësoi vetëm estetikën – ajo çoi në një rritje prej 10% të shpejtësisë dhe një ulje prej 15% të konsumit të energjisë elektrike.
30 St Mary Axe. Gradaçela 30 St Mary Axe është 180 metra e lartë dhe ka gjithsej 41 kate. Dizajni i saj unik është frymëzuar nga sfungjeri i luleve të Venusit, një krijesë e detit të thellë, forma e rrumbullakët e së cilës e ndihmon të përballojë rrymat e forta oqeanike. Për ndërtesën, ky dizajn nuk është vetëm tërheqës vizualisht – ai rrit stabilitetin kundër erërave të fuqishme, çka është thelbësore për një strukturë të kësaj lartësie. Për më tepër, forma e saj lejon më shumë dritë natyrale, duke krijuar një atmosferë të ndritshme dhe të hapur brenda.
Lexo edhe:12 materialet më të shtrenjta në botë
Turbinat e erës. Rezulton se tehet e turbinave të erës mund të bëhen edhe më efikase duke marrë frymëzim nga pendët e balenave me gunga (humpback whales), të cilat kanë gunga unike përgjatë skajeve të tyre. Ndërsa sipërfaqet e lëmuara dikur konsideroheshin si dizajni më i mirë, studimet kanë treguar se imitimi i këtyre gungave mund të çojë në turbina më të qeta dhe më efektive që prodhojnë më shumë energji.
Bojë inteligjente për fasada. Boja e jashtme shpesh rrezikohet nga dëmtimet për shkak të motit të paparashikueshëm, veçanërisht gjatë ndryshimeve sezonale. Megjithatë, një kompani ndërtimi gjeti një zgjidhje të zgjuar duke studiuar bimët e lotusit dhe duke zhvilluar një bojë speciale të quajtur Lotusan. Kjo bojë novatore imiton vetitë vetëpastruese të gjetheve të lotusit, duke i lejuar asaj të largojë ujin dhe papastërtitë me lehtësi.
Ndërtesa vetë-ftohëse. Duke marrë frymëzim nga tumat e termiteve, një arkitekt projektoi ndërtesa me një sistem unik ftohjeje. Dizajni i tij kanalizon ajrin e freskët nga nivelet e poshtme lart, ndërsa ajri i nxehtë del përmes oxhakëve, duke imituar ventilimin natyror që termitet krijojnë në foletë e tyre. Kjo qasje novatore ul nevojën për ftohje artificiale, duke i bërë ndërtesat më efikase në energji dhe miqësore me mjedisin.
Xhami i sigurt për zogjtë. Frymëzuar nga merimangat orb-weaver, të cilat thurin rrjeta që zogjtë mund t’i dallojnë dhe t’i shmangin lehtësisht, një kompani inxhinierike zhvilloi një lloj xhami të veçantë me të njëjtin efekt. Ky dizajn novator i bën dritaret dhe panelet më të dukshme për zogjtë, duke ulur ndjeshëm përplasjet. Falë këtij zbulimi, 76% e zogjve ishin në gjendje të shmangnin strukturat prej xhami, duke i bërë ndërtesat shumë më të sigurta për jetën e egër.
Natyra është plot me surpriza, duke na treguar vazhdimisht se sa e larmishme dhe magjepsëse mund të jetë. Një shembull i përsosur është kaktusi i mrekullueshëm vjollcë – një ndryshim unik nga e gjelbra e zakonshme që jemi mësuar të shohim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
