Business Magazine dhe Said Duleviç sjellin episodin e dytë të Future Fridays, një format i ri mbi inovacionin, trendet dhe edukimin!
Dje u transmetua episodi i dytë i Future Fridays, një nismë e re në partneritet mes Business Magazine dhe Said Duleviç, e cila synon të sjellë në vëmendje trendet më të fundit në teknologji, biznes dhe inovacion. Ky format do të sjelli çdo javë analiza mbi zhvillimet më të rëndësishme që prekin ekosistemin shqiptar dhe më gjerë, duke ofruar një perspektivë të re mbi temat më të diskutuara.
Në episodin e dytë të Future Fridays, fokusi ishte mbi tre tema kryesore që kanë tërhequr vëmendjen e publikut dhe industrisë:
1. DollApp: Si mund të fitoni para nga rrobat që nuk i vishni
Dollap është platforma e re që po ndryshon mënyrën sesi përdoruesit menaxhojnë garderobën e tyre, duke u mundësuar shitjen e rrobave të përdorura lehtësisht. Me një proces të thjeshtë listimi dhe një komunitet në rritje të blerësve, Dollap po kthehet në një zgjidhje fitimprurëse për ata që duan të reduktojnë mbeturinat dhe të përfitojnë financiarisht. Platforma synon të sjellë më shumë ndërgjegjësim mbi konsumimin e qëndrueshëm dhe ekonominë rrethore.
Lexo më shumë: Business Magazine
2. TikTok dhe AI: Ringjallja e Albert Einstein përmes Deepfake
TikTok po e çon teknologjinë e AI në një tjetër nivel, duke krijuar një video deepfake të Albert Einstein nga një foto e vetme. Ky zhvillim hap diskutime mbi etikën dhe rreziqet e manipulimit të imazheve në epokën e AI-së. Ndërsa teknologjia përparon, sfida kryesore mbetet balancimi mes inovacionit dhe mbrojtjes së privatësisë.
Lexo më shumë: Business Magazine
3. Shqipëria kampione e sigurinë kibernetike në Ballkan!
Shqipëria është shpallur kampione e sigurisë kibernetike në Ballkan për të dytin vit radhazi, sipas raportit të Cybersecurity Index. Ky sukses vjen si rezultat i përpjekjeve të vazhdueshme për forcimin e infrastrukturës dixhitale dhe mbrojtjen nga sulmet kibernetike. Me një strategji të qartë dhe investime në teknologji të avancuara, vendi ka arritur të kryesojë listën, duke u shndërruar në një shembull për rajonin. Pavarësisht progresit, ekspertët theksojnë nevojën për vigjilencë të vazhdueshme dhe përmirësim të mëtejshëm të masave mbrojtëse përballë kërcënimeve në rritje.
Lexo më shumë: Business Magazine
Teknologjia, biznesi dhe inovacioni po evoluojnë me ritme të shpejta, dhe Future Fridays do të jetë çdo javë burimi juaj i besueshëm për të qëndruar të informuar mbi prirjet më të fundit. Nga ekonomia qarkulluese te inteligjenca artificiale dhe siguria kibernetike, bota dixhitale po krijon sfida dhe mundësi të reja për të gjithë ne. Na ndiqni javën e ardhshme për një tjetër episod plot me tema që do të formësojnë të ardhmen!
Për më shumë detaje dhe për të mos humbur asnjë episod të Future Fridays, qëndroni të lidhur me Business Magazine dhe Said Duleviç.
Na ndiqni çdo të premte në orën 17:00 në Instagram, Facebook, Linkedin, TikTok & YouTube për përmbledhjen tuaj javore të inovacionit!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
