Një grup studentesh kanë nisur një fushatë ndërgjegjësuese me moton “Mos i lër të tjerët të vendosin për ty, voto”, e cila ka për qëllim të frymëzojë të rinjtë shqiptarë për të marrë pjesë aktive në zgjedhje. Fushata synon të përcjellë mesazhin se ndryshimi fillon nga veprimi individual dhe se vota është një mjet transformues në proceset demokratike.
Studentët zhvilluan një takim me pedagogë dhe të ftuar të ndryshëm, ku prezantuan idetë e tyre dhe diskutuan rëndësinë e kësaj kauze. Pedagogia Edlira Mali, e pranishme në takim, vlerësoi angazhimin e studentëve, duke e cilësuar si një shembull të përgjegjësisë qytetare. Ajo tha: “Jam shumë e lumtur që studentët e mi kanë zgjedhur të promovojnë një nismë që ka kaq shumë rëndësi për demokracinë tonë.”
Nismën e përshëndetën edhe të ftuarit, si sipërmarrësi Gerti Boshnjaku dhe shkrimtari Alban Tufa, të cilët theksuan rolin e të rinjve në formësimin e të ardhmes. Të rinjtë e tjerë që ishin pjesë e takimit shprehën mbështetjen e tyre për këtë fushatë dhe rëndësinë e sensibilizimit mbi pjesëmarrjen në zgjedhje.
Lexo edhe:Programi i Inkubimit 2025 i CIT HUB: Fuqizimi i gjeneratës së ardhshme të sipërmarrësve
Studentja Marina Zela tha se “Duam të inspirojmë të rinjtë që të jenë pjesë aktive e zgjedhjeve, sepse vota është zëri ynë.”
Ndërkohë, studentja Nasibe Nur Karik shton se “Ndryshimi fillon nga veprimi i çdo individi. Vota është fuqia jonë për të ndikuar.”
Fushata, e cila fokusohet veçanërisht tek të rinjtë e moshës 18-25 vjeç, synon të përhapë mesazhin e rëndësisë së votës si një detyrë qytetare dhe një mundësi për të ndikuar në ndryshime pozitive. Kjo nismë vjen disa muaj para zgjedhjeve, duke nxitur ndërgjegjësimin dhe pjesëmarrjen masive të të rinjve në proceset demokratike.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English