Dështimi është një temë e nxehtë, pothuajse një trend. “Dështoni shpesh dhe herët,” thonë njerëzit. “Ngrihuni pas çdo rrëzimi.” Këto janë mesazhe frymëzuese, por për shumë prej nesh, dështimi nuk ndihet aspak si një mundësi për rritje. Përkundrazi, është një përvojë e vështirë, shpesh e shoqëruar me turp dhe pasiguri.
Çfarë do të thotë të dështosh?
Nuk po flasim për ato dështime që bëjnë bujë në dokumentarë dhe lajme. Nuk është as historia e sipërmarrësve të famshëm që, pavarësisht një rrëzimi të madh, arrijnë të ngrihen përmes investimeve të reja. Dështimi që na prek shumicën është më i heshtur, më personal dhe ndonjëherë më i thellë, kur japim gjithçka që kemi dhe sërish humbasim.
Kjo është historia e individëve që rrezikuan gjithçka, pasionin, kursimet e jetës dhe ëndrrat e tyre, vetëm për të parë se si gjithçka u rrënohet nga faktorë të brendshëm apo të jashtëm.
Dështimi nuk është fundi
Fillimisht, dështimi mund të ndihet si një lehtësim. Një krizë që ju mbyste ngadalë, më në fund ka përfunduar. Por, ky është vetëm fillimi i një kapitulli të ri, një periudhë reflektimi dhe, për disa, një betejë për të kuptuar veten.
Themeli për të rimarrë veten është pranimi. Ndjenja e braktisjes dhe humbjes është e pashmangshme. Një dështim i madh nuk prek vetëm karrierën; ai shpesh ndërhyn në marrëdhëniet familjare dhe personale. Energjia që përdornit për të ndërtuar biznesin tuaj mund të shfaqet në mënyra të tjera, ndonjëherë me pasoja negative.
Kur bota ecën pa ty
Pas dështimit, bota vazhdon pa ty. Kolegët, partnerët dhe konkurrentët vazhdojnë të ecin përpara, ndërsa ju mbeteni në vend. Edhe mbështetësit tuaj më të afërt mund të distancohen, veçanërisht kur nuk keni më mundësi të ktheni favoret.
Megjithatë, këto momente të vetmisë dhe braktisjes janë një mundësi për të riformuar mendësinë dhe për të gjetur njerëz që e kuptojnë realisht dhimbjen dhe vështirësitë tuaja.
Ndarja nga versioni i vjetër i vetvetes
Dështimi shpesh kërkon të përballesh me humbjen e identitetit që kishit krijuar rreth suksesit tuaj. Ju duhet të lini pas atë që ishit dhe të pranoni se kush jeni tani. Kjo nuk është fundi i historisë tuaj, por fillimi i një kapitulli të ri.
Nuk është turp të qani, apo të ndjeni dhimbje. Përkundrazi, ky është një hap thelbësor drejt shërimit dhe përqafimit të mundësive të reja.
Të përqafosh kapitullin e radhës
Pranimi i dështimit ju çliron për të ecur përpara. Duke ndarë përvojat me sipërmarrës të tjerë që kanë kaluar të njëjtën rrugë, mund të gjeni inspirim dhe të mësoni nga përvojat e tyre.
Lexo edhe: Google lançon aplikacionin Gemini për iOS në mbarë botën
Mos harroni: fakti që keni guxuar të ëndërroni dhe të rrezikoni ju bën të veçantë. Energjia dhe vendosmëria që ju ndihmuan të filloni sipërmarrjen tuaj mund të përdoren për të krijuar diçka të re, diçka që mund të jetë edhe më e madhe dhe më e suksesshme.
Dështimi: Një gur kilometri, jo një pengesë
Nuk është e lehtë të dështosh, por kjo nuk ju përcakton. Dështimi është një pjesë e rrugëtimit dhe një mësim për ata që guxojnë të shkojnë përtej kufijve të zakonshëm. Sa më shumë që pranoni të mësuarit nga dështimi, aq më shumë rriteni dhe përgatiteni për suksesin e ardhshëm. Përgjigjuni sfidës dhe përqafoni të ardhmen, sepse ajo është ende plot me mundësi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
