X i Elon Musk tashmë ka deklaruar se synon të konkurrojë me LinkedIn për listat e vendeve të punës dhe PayPal për pagesat. Tani dëshiron të përballet me Zoom, Google Meet dhe Microsoft Teams me një mjet videokonferencash!
Një nga punonjësit e X, Chris Park, ka ndarë informacionin se kompania ka mbajtur konferencën e saj të parë të brendshme në lidhje me këtë ide. Park theksoi se reagimet fillestare nga ekipi ishin të fuqishme dhe kompania ka të ngjarë të zhvillojë veçori të reja, si mundësia për të rregulluar altoparlantët dhe përmirësimin e njoftimeve për të treguar kur njerëzit bashkohen, ose largohen nga konferenca.
Një studiues i aplikacioneve, i cili përdor P4mui në platformë, tregoi se përdoruesit do të jenë në gjendje të krijojnë takime të reja direkt nga aplikacioni iOS, ose menjëherë, ose të planifikuara për më vonë, ngjashëm me mjetet e tjera të konferencave në internet.
Një studiues tjetër i aplikacionit, Nima Owji , vuri në dukje se funksioni i konferencës mund t’i lejojë organizatorët të vendosin një kod unik për çdo takim që pjesëmarrësit duhet të fusin ndërsa bashkohen.
Si shumë nga funksionet e reja të përfolura në platformat e zotëruara nga Musk, funksioni i konferencës ende nuk ka një datë të caktuar lançimi, apo një plan të qartë për prezantim. Vlen të theksohet se X tashmë mundëson transmetimin e drejtpërdrejtë të videos përmes produktit të tij Spaces. Platforma të tilla, si Zoom dhe Google Meet u ofrojnë përdoruesve mundësinë të kalojnë mes videokonferencave dhe transmetimeve në stilin e seminarëve. Prandaj, nuk do të ishte çudi, nëse X vendos të integrojë të dyja këto veçori.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
