Mbi 100 të rinj nga Diaspora në udhëtim për të zbuluar rrënjët shqiptare - Business Magazine Albania

Mbi 100 të rinj nga Diaspora në udhëtim për të zbuluar rrënjët shqiptare

Evente
866
Mbi 100 të rinj nga Diaspora në udhëtim për të zbuluar rrënjët shqiptare

Mbi 100 të rinj nga diaspora do të nisin udhëtimin e tyre në vendet tona amë përmes programit OriginAL gjatë vitit 2024. Grupi i parë i të rinjve, të moshës 18 deri 24 vjeç, do të nisë aventurën e tij më 31 maj nga Prishtina dhe do ta përmbyllë në Tiranë pas dy javësh, me vizita në vende me rëndësi historike dhe kulturore, takime me protagonistë ngjarjesh dhe personazhe nga jeta e përditshme e qyteteve shqiptare.

Grupet e dyta dhe të treta për vitin 2024 priten të vijnë në atdhe në korrik dhe tetor, përkatësisht. OriginAL këtë vit sjell të rinj të diasporës nga mbi 25 shtete të botës, me origjinë nga të gjitha trevat shqiptare. Këta të rinj do të kenë mundësinë të zbulojnë rrënjët, të lidhen me kulturën e tonë dhe të forcojnë ndjenjën e përkatësisë kombëtare dhe solidaritetit me bashkëatdhetarët e tyre.

Lexo edhe: Shpallen veprat fituese për “Fondin e Përkthimit Letrar nga Gjuha Shqipe në Gjuhë të Huaj”

OriginAL është program i themeluar nga GERMIN dhe Fondacioni Global i Shqiptar (GAF), i cili ofro përvoja edukative dhe kulturore për të rinjtë e diasporës shqiptare, me qëllim që t’i frymëzojë ata të jenë pjesë e një komuniteti global shqiptarësh të lidhur me Shqipërinë, Kosovën dhe vendet e tjera amë.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Tags:
Më të lexuarat
Nga kategoria
Must watch
Business Mag Nr. #36 - Tetor 2024

Vjeshta solli rikthimin e aktiviteteve biznesore në ritmin e tyre të plotë, pas pushimeve të verës. Sipërmarrjet shqiptare, me dinamikat e tyre të pandalshme, janë aktualisht para një sfide dhe mundësie më të madhe. Proceset e përafrimit me BE-në krijojnë një mundësi për një treg më të madh, por kjo kërkon njëkohësisht përgatitjen të duhur për tregun.

Eventet e fundit, veçanërisht Future2Tech, tregoi se shumë kompani shqiptare, kryesisht në fushën e zhvillimit të Softwareve, po punojnë tashmë për tregun e huaj dhe janë kompani ndërkombëtare në kuptimin e plotë të fjalës. 

Në brendësi të këtij numri ne kemi sjellë histori brandesh dhe histori njerëzore; histori sipërmarrësish dhe profesionistësh, të cilët kanë investuar kohë dhe pasion në punët e tyre për të parë rezultatet që duken sot. Një prej brandeve për të cilin flasim sot, mbyll 3 dekada biznes në Shqipëri, diçka që vlen të marrë përgëzime nga të gjithë. 

Histori nga vendi dhe diaspora, rrugëtime në tregti, shërbim, apo edhe konsulencë, ky numër sjell një gamë të gjerë artikujsh, të shtrirë madje mes biznesit dhe artit, të cilat, kur ndërthuren, sjellin zhvillime shumë të bukura për shoqërinë.

Interesant është fakti se kushdo që …

Shiko më shumë
Na ndiqni në rrjetet sociale
0