Suapr.com: Epoka e re e të mësuarit përmes Inteligjencës Artificiale mbërrin në Shqipëri - Business Magazine Albania

Suapr.com: Epoka e re e të mësuarit përmes Inteligjencës Artificiale mbërrin në Shqipëri

Suapr.com: Epoka e re e të mësuarit përmes Inteligjencës Artificiale mbërrin në Shqipëri

Në një hap të rëndësishëm për arsimin në Shqipëri, Suapr. u lançua zyrtarisht më 25 Mars 2023.
Brenda 12 orëve të para pas lançimit, platforma inovative arsimore Suapr.com, regjistroi mbi 14,000 kërkesa (requests), duke theksuar nevojën e lartë dhe ndikimin e menjëhershëm të këtij shërbimi revolucionar në arsimin shqiptar.

Geart Ferhati, Themeluesi i Suapr.com dhe njëkohësisht nxënës në gjimnazin “Sami Frasheri”, Tiranë, shprehet se: “Me Suapr, ne synojmë të ofrojmë nje mënyrë të re në mësim-nxënie, duke përdorur mjetet e ofruara nga AI. Për ne, është më shumë se thjesht një platformë; është një revolucion në ofrimin e arsimit cilësor dhe të personalizuar për çdo nxënës.
Po punojmë me përkushtim për të zhvilluar teknologjitë e reja AI që mundësojnë krijimin e avatarëve të personalizuar nga fotografitë në kohë reale, testet e gjeneruara nga SuaprAI dhe Chatbot ndihmues për çdo problematikë. Opsionet më të avancuara Suapr Plus dhe Suapr Premium do të jenë gati në fund të këtij viti shkollor.”

 

Suapr.com është platforma e parë në Shqipëri dhe Europë e cila integron teknologjine AI në arsim. Kjo e bën Shqipërinë pararojë të zhvillimeve teknologjike jo vetëm në rajon por edhe më gjerë.
Suapr ofron një spektër të gjerë të mjeteve dhe burimeve arsimore, të personalizuara për të përmbushur nevojat dhe stilin e mësimit të çdo nxënësi. Në zemrën e qasjes së Suapr është metodologjia e saj e orientuar nga zgjidhjet, duke ofruar shpjegime të plota dhe të detajuara për çdo ushtrim, duke bërë mësimin më interaktiv dhe tërheqës përmes shpjegimeve me zë dhe avatarëve të personalizuar.

Suapr është i thjeshtë për t’u përdorur, duke u lejuar nxënësve të navigojnë me lehtësi midis lëndëve të ndryshme dhe materialeve mësimore, përfshirë mësimet video, ushtrimet e zgjidhura, shënimet dhe testet. Me një “bibliotekë” të pasur prej mbi 2000 ushtrimesh të zgjidhura në lëndë kyçe si Matematikë, Fizikë, Kimi dhe Biologji, të gjitha të verifikuara për cilësinë nga mësues me mbi 25 vjet përvojë, Suapr siguron kuptimin e plotë dhe aftësitë për zgjidhjen e problemeve për nxënësit.

Lexo edhe: Geart Ferhati, 15-vjeçari sjell revolucion në gjimnazet shqiptare përmes “I-vote.al”

Përtej thjesht zgjidhjes së ushtrimeve, Suapr prezanton SuaprAI, një veçori të avancuar që ndihmon në shkrimin e eseve, duke e bërë një proces të shpejtë dhe efikas. Së bashku me Suapr Buddy, një asistent zanor dhe mik virtual, Suapr përmirëson përvojën e mësimit dhe ofron shpjegime të dëgjueshme dhe mësime interaktive përmes një avatari simpatik.

Ndërsa Suapr nis këtë udhëtim për të përmirësuar suksesin akademik dhe profesional të të rinjve shqiptarë, ne ftojmë të gjithë nxënësit e shkollave të mesme që të integrojnë Suapr në rutinën e tyre të mësimit të përditshëm. Përjetoni të ardhmen e arsimit dhe bëhuni pjesë e një komuniteti që vlerëson inovacionin, cilësinë dhe suksesin.

Për më shumë informacion rreth Suapr, vizitoni https://suapr.com

Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0