Ajo që përcakton suksesin ose dështimin e një kompanie shpesh varet nga efektiviteti i udhëheqjes së saj. Por, çdo lider përdor stilin e tij të udhëheqjes në përpjekje për të arritur rezultatet më të mira. Hidhini një sy listës së mëposhtme për të parë disa nga llojet më të zakonshme të lidershipit dhe mësoni se si mund të aplikoni secilin nga stilet e mëposhtme të udhëheqjes në menaxhim në punë.
1.Lidershipi autoritar
Kur mendoni për një lider tipik, ju mund të përfytyroni një lider tradicional autoritar. Një udhëheqës autoritar ka kontroll dhe fuqi totale mbi ekipin dhe shërben si vendimmarrësi i vetëm. Kjo shpesh quhet edhe “udhëheqje nga lart-poshtë” ose “udhëheqje komanduese dhe kontrolluese”.
2.Lidershipi i stërvitjes
Stili i udhëheqjes së stërvitjes është shumë i ngjashëm me atë që tingëllon. Ashtu si me një trajner sportiv, drejtuesit që favorizojnë këtë lloj qasjeje menaxhimi punojnë për të inkurajuar dhe mbështetur pikat e forta të secilit anëtar të ekipit në mënyrë që punonjësit të mund të zhvillojnë potencialin e tyre të plotë. Gjithashtu si në ekipet sportive – ku rezultati përfundimtar nuk varet vetëm nga rezultatet individuale, por nga puna ekipore – një drejtues stërvitor kërkon mënyra për të përmirësuar performancën e të gjithë ekipit.
Lexo edhe:Kompanitë më të mëdha të Europës Juglindore shënojnë rritje rekord në shitjet e vitit 2022 – renditja SEE TOP 100
3.Lidershipi bashkëpunues
Stili i një udhëheqësi bashkëpunues është e kundërta e një qasjeje tradicionale të lidershipit nga lart-poshtë. Ndërsa udhëheqja autoritative mbështetet në një hierarki korporative të kryesuar nga një autoritet në krye të shkallës, udhëheqësit bashkëpunues besojnë se zgjidhja më e mirë e problemeve arrihet nga një ekip. Çdo lider që e zbaton këtë stil në punë mbështetet në teknikat e shkëmbimit të informacionit dhe “stuhisë së ideve” për të nxjerrë ide nga anëtarët e ekipit. Udhëheqësit bashkëpunues janë gjithashtu më transparentë në vendimmarrje. Qëllimi i tyre është të sigurojnë që të gjithë jo vetëm të kenë një vend në tryezë, por një zë që dëgjohet dhe inkurajohet në takim.
4.Lidership i angazhuar
Udhëheqësit e angazhuar i japin përparësi lidhjes me punonjësit e tyre për të kuptuar se çfarë është e rëndësishme për çdo individ në ekipin e tyre. Një menaxher që përdor stilin e udhëheqjes së angazhuar në punë mund t’i japë përparësi njohjes për anëtarët e ekipit për t’u treguar atyre se vlerësohen. Kur një drejtues kujdeset për angazhimin, një strategji tjetër e zakonshme është t’u bëjë pyetje njerëzve – si për punën ashtu edhe për interesat e tyre jashtë arenës profesionale – dhe të dëgjojë me vëmendje atë që thonë ata.
5.Lidership vëzhgues
Udhëheqësit që kanë një nivel të lartë të inteligjencës emocionale mund të bëhen udhëheqës të fortë dhe vëzhgues. Ky stil lidershipi kërkon që një lider të shikojë përtej nivelit të sipërfaqes për t’u bërë i vetëdijshëm për modelet themelore. Udhëheqja vëzhguese mund të jetë një nga stilet më efektive të lidershipit. “Udhëheqësit që përdorin këtë qasje investojnë kohë për të njohur punonjësit e tyre në një nivel personal – duke kuptuar pikat e tyre të forta, dobësitë dhe çfarë i motivon ata.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
