Nga Geri Kolgega
Edhe pse kohën para ekranit e shpenzojmë më shumë në mediat sociale, se sa në mediat tradicionale, mediat Audio-vizive vijojnë të prodhojnë formate, të cilat falë “martesës” me ekranin e vogël të mediave sociale shndërrohen në suksese komerciale.
Një prej këtyre rasteve është edhe rikthimi i formatit televiziv Big Brother në Shqipëri, pas disa vitesh pauzë. Ndërsa për herë të parë u prezantua në vitin 2008 dhe solli nëntë sezone të suksesshme, producentët vendosën në 2018-ën ndalimin e saj. Tanimë një tjetër version i saj është rikthyer me personazhe publikë të njohur, të cilët shfaqin jetën e tyre të përditshme të vëzhguar 24 orë nga kamerat, ndërsa formati titullohet Big Brother Vip.
Në sezonin e dytë të tij, duket se formati ka fituar një audiencë jashtëzakonisht të gjerë. Në Shqipëri, fatkeqësisht mjetet e audiencës janë një problematikë ende e pazgjidhur dhe nuk ka një matës audience të besueshëm. Por Autoriteti i Mediave Audio-Vizive publikon një tjetër indikator që quhet volumi i reklamave dhe tregon numrin e kompanive që kanë zgjedhur të reklamojnë në një televizion specifik.
Kështu volumi i reklamave i Top Channel në tetor 2021, atëherë kur filloi edhe sezoni i parë i formatit, arriti në 7293. Për të kuptuar rëndësinë e Big Brother Vip mjafton të përmendet se në janar të 2021-it pa filluar ky format, volumi i reklamave ishte në 5514, ndjeshëm më ulët.
Artikulli u publikua më parë në faqen 23 të numrit 31 të revistës Business Magazine Albania. Ju mund Abonoheni dhe të Shfletoni Këtu nr. 31 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English