Në varësi të cilës anë jeni, gjigandi i teknologjisë Microsoft është ose heroi që lufton për të sjellë disa nga videolojërat më të njohura te më shumë njerëz, ose personazhi i lig që po vret konkurrencën në këtë sektor. Pronari i Xbox ka nisur një fushatë për të bindur të tre rregullatorët e BE-së, Mbretërisë së Bashkuar dhe SHBA-së që të mbështesin ofertën e saj prej 69 miliardë dollarësh për të marrë përsipër Activision Blizzard, pronar i lojërave të suksesshme “Candy Crush” dhe “Call Of Duty”.
Përpjekjet për të krijuar kompaninë e tretë më të madhe të lojërave në botë për nga të ardhurat u lançua vitin e kaluar, por kompania tani duhet të adresojë shqetësimet nga të tre rregullatorët se nëse merr kontrollin e lojërave të tilla lider në treg, mund të mbysë konkurrencën.
Sony, i cili prodhon paisjen më të shitur PlayStation, thotë se marrëveshja do t’i japë Microsoft-it fuqinë për të kufizuar aksesin e rivalëve në ekskluzivitetin e njohur. Microsoft argumenton se nuk do të kishte kuptim financiar që ai ta bënte këtë.
Dhe autoriteti më i vështirë për t’u bindur mund të jetë Autoriteti i Konkurrencës dhe Tregjeve në Mbretërinë e Bashkuar (CMA), i cili në shkurt nxori gjetjet paraprake se marrja mund të dëmtojë konkurrencën dhe zgjedhjen e konsumatorëve.
Tregu britanik është më i vogël se ai i Shteteve të Bashkuara ose Bashkimit Evropian, por nëse CMA bllokon marrjen e Activision Blizzard, Microsoft ndoshta do të duhet të tërhiqet. / AFP
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
